النهاردة اليوم الهندي في جدولي الشهري للمطاعم اللي عايز ازورها والمطبخ الهندي من أعظم مطابخ العالم

المهم النهاردة خلصت شغل على ?? ونص ضيعت ساعة ونص في اللف على المطاعم الهندي.

كنت حاطط اتنين في الليستة بتاعتي ashas و mahraja بس لما رحتلهم اكتشفت انهم قفلوا خالص! لموا عزالهم !! ليه كدا جدعان؟

المهم قولت خلاص بقا هروح بتاع الزمالك اللي متعود عليه نواب! الساعه ?? قفل! لااااا دي مؤامرة بقااا والله لاكل هندي النهاردة لو هدفع فلوس للمطعم انه يجي يفتحلي مخصوص بطني ومخي ابتدوا يتحدوا ويقلبوا عليا وابتدوا يتعصبوا جداً وحالة حرب جواايا مختلطة ببين الجوع والتصميم انه عايزين هندي يعني هندي التزم بالجدول لا يا عمرو

المهم لفيت ورجعت تاني عشان اروح اللي في جامعة الدول ( الروشة و قندهار ) واستقتلت قولت لو قالولي قفل هكسرلهم أي حاجة في المكان مش همشي كدا من غير أذى ( الجوع بيولد العنف ) والبادي أظلم.

دورت على المطعم مكنش باين وطلعنا من الشارع في اسنانسير على الشارع برا أصلاً في أغاني هندي كدا وراجل لابس هندي

دخلت قعدت قالي حضرتك ممكن تطلب عشان لاست اوردر بعد ?? دقايق قولتله طيب هاتلي الشيف نتناقش سوا أو المتر الكبير بتاعكم جابلي اقدم واحد اللي حافظ المنيو كله قولتله رشحلي أحسن طبق عندكوا

قالي علي المورج ماخني

قولتله مكوناته ايه

قالي عليهم

قلتله دا التشيكن باتر مسالا

قالي اه بس الأسماء في المطاعم بتتغير

قولتله طيب و عايز الصوصات الهندي النعناع والتمر هندي

معرفش التمر هندي الصوص ده

قالي حضرتك دايس شكلك في الهندي قولتله عييب عليك بعد الاكل هقوللك انا مين

وطلبت مورج ماخني

(دجاج مكعبات ومعمولة في صلصلة بالكريمة والزبدة )

قولتله:

مورج كاري ( دجاج بالعضم في صلصلة مع كاري )

برياني سابازيهار

رز بسمتي (بالخضار والجبنه المحمرة والورق اللور والتوابل الهندية )

خبز نان بالثوم

مانجولاسي

زبادي مع مانجو بيتشرب في وسط الأكل الحراق عشان يطفي البهرات الحراقة دي أنا طالب الًاكل مش سبايسي والتوابل أصلاً حراقة

نزلولنا مقبلات عبارة عن بطاطس وحمص مفروم ومعمول بخلطة وبينزل معاه صوص النعناع بالزبادي الحراق الفشيييخ ومعاه ليمون معصفر حراق جدا وبصل مخلل بطريقة غريبة كدا

بينزلوا الأكل بطريقة حلوة أوي في أطباق نحاس كدا على الطريقة الهندي الأصيلة مبيستعملوش غيرها وعلى سخان الفراخ عشان تفضل سخنة لآخر الوجبة

الفراخ المورج ماخني دي عظيييييمة حاجة من برا الدنيا كدا برا العالم اللي عايشين فيه حبيتها اوي.

أنا بعشق الأكل الهندي عشان بهراتهم بتخلي الأكل طعمه قوي كدا ومميز وميتزهقش منه والكميات كويسة وبتشبع أوي

قطع الفراخ دايبة كدا ومصلصلة ومغموسة كدا في الطعم الصوص داخل بين أنسجة الفراخ مش مجرد محطوط عليها وكمان متبلة حلو

الفراخ مورج كاري كانت حلوة برضه بس كان نفسي متبقاش بالعضم مكنتش اعرف والصوص كان حلو برضه بس التاني أحلى كتيير

الرز بقا كان فشييييييييييخ أولاً شكله مبهج وطعمه يجنن بهراته وخضاره وقطع الجبنة المقلية اللي جواه

هوا الخضار متشوح ونزل بتوابل جواه طعمها فشييييخ بقا أنا نسفته مع انه حجمه كبير

الخبز النان كان حلو أوي عيش كدا غريب محمر تقريباً وعليه توم وزيت

الأكل كان كويس جداً الصراحة والمطعم يصنف خمس نجوم من وزارة السياحة

الأسعار

فراخ مورج ماخني ??

فراخ مورج كاري ??

رز ??

مانجولاسي ??

نان ??

السير?يس والتاكسس والكوفير والمياه ??? !!

وده الي قفلني بقا او?ر اوي الموضوع ده

بس انا اتبسطت فا مش هخلي حاجة تعكر مزاجي المهم ناكل أكل حلو الفلوس آخر حاجة نقيم بيها الأكل إلا لو كان وحش وغالي جداً مينفعش نسكت ونقلب الدنيا احنا مش بنسرق

روشة و قندهار، جامعة الدول، أمام سينما سفينكس، المهندسين