المطعم بتاع النهاردة أنا بعتبره اكتشاف.

الناس كلها نفسها تجرب السوشي و ديما شايفينه سعرة غالي جدا و ميستاهلش (حقهم) زمان كنت اقدر اقول عشان حاجه مش منتشرة و اكله بتاعت الطبقه ال A كلاس معئن اصلا دا يتنافي تماما مع اصل اكلة السوشي و حجمها في اليابان السوشي اكلة شعبيه يابانية من اصول صينية بس انتشرت في اليابان وخدوها من الصينين

بس اخيرا لقيت مطعم بيعمل سوشي باسعار حقيقي حلوة جدا مقارنة ببقيه المطاعم توقعت في الاول اني هاخد كواليتي اقل بس لما جربت الاكل صدمت انه بيعمل اكل حقيقي يجنن كمان مع اسعار حلوة كتير ناس كمان بتكون مقلقه يبقي منظرها وحش عشان مش بيعرفوا ياكلوا بال chop sticks عايز اقولكم ان اليابنين في منهم كتير بياكلوا السوشي بأديهم دي بالنسبالهم اكله سريعه خفيفه صحيه مع بتاعت بروتوكلات و شياكه ! اتبسطوا من غير تعقيد.

المطعم ده الحقيقه انا دخلته اتبسط اولا انا بحب اوي المطاعم الصغيرة اللي جوها حميمي لما اكون عايز اخرج اكل اكله حلوة و امشي و بحب كمان المطاعم اللي بتتخصص في حاجه واحدة بس و ده بالظبط اللي شفته في المطعم ده

دخلت استقبلني صاحب المكان بنفسه و دي كانت مفجأة انه شاب زيي و عرفت ان ده مطعمه هوا و اخوه و من سكان الزمالك زاد انبساطي اني هتعامل باهتمام لان صاحب المطعم موجود و مضياف جدا

نزلولي ضيافه بينزلوها لكل الزباين. و هي كوبايه صغيرة جدا فيها شاي اخضر سخن من غير سكر طعمه الحقيقه يجنن انا اصلا بحبه و قالي دا فري ريفيل free refill يعني تقدر تملاه زي مانتا عايز و تشرب وبيقول ان اليابانين قبل السوشي بيشربوا شويه من الشاي الاخضر عشان بيفتح النفس

عجبني الحقيقه اوي الفكرة و الكوبايه.

و بعدين دخلنا في السوشي و لقيته بيشرحلي المنيو بتاعه كله عشان اقدر اختار انا الحقيقه كنت مقرر انا عايز ايه معروف طلبي في كل مكان بس طريقه المنيو و ترتيبها خلاني اسيبله نفسي و اسيبه يرشحلي الاحسن عنده الحقيقه المنيو مرتب جدا عكس كل مطاعم السوشي اللي روحتها بتوه توهان ابن لذينه بالذات عن مكاني المنيو معفرت و متشقلب و بتتسوح فيه مسكنا نوع نوع من السوشي و نقيت من كل نوع حاجه اجربها نقيت الاول الشوربه كنت مقرر هاخد الشوربه التقليدية بس هوا اقنعني اجرب شربه المحل الخاصه Tsunami soup و وافقت جدا بعد ما شرحلي انهم عاملين خلطه بتوابل يابانيه خاصه بالمحل سريه مع خليط من انواع السمك و الجمبري اما السوشي فا في تقريبا ? انواع اخترت منهم كل واحد كذا قطعه زي الساشيمي (السمك الني من غير رز )و النجيري(الرز و فوقيه نوع سمك و مربوط بنوري اللي هوا الاخضر ده) و اوسو الماكي (نوري محشي رز و انواع سمك) و اورا ماكي (النوري جوا و مغلف برز و محشي انواع سمك ) و چونكان(نوري محشي رز و فوقيه كافيار او انواع سمك ) و التيماكي( عامل زي القرطاش و بيتحشي رز و سمك و خضرة ) و الفرايد و الاسبيشال رولز ( عبارة عن رولات مقليه او رولات خاصه مبتكره) انا طلبت Sashimi salmon 2 Sashimi octopus Nigiri salmon 2 Fried shrimp tempura Gunkan black caviar Gunkan caviar ikura Temaki sakmon Temaki shrimp Deep fried roll salmon Spider roll Spicy salmon roll Shrimp California roll Hot dynamite salmon

دول طبعا في منهم بينزلوا ? او ? او ? انا عملي حجات اسبيشال و نزلي من حجات اتنين بس عشان انا اول مرة و عايز اجرب كل حاجه هجيب بطن منين او كله ?

السوشي دا لازم ابتسم كدا و هوا نازلي بحس ببهجه رهيبه لما اشوف القطع الجميله اللي الوانها مبهجه و تفتح النفس تحس ان نازلك قطع فنيه رقيقه مش اكل و سمك ني زي ما بيقولوا الناس اللي مبتقدرش الاكل اللي معمول بفن و حرفيه انا بما اني طلبت اوردر كبير اوي بطفاسه فا نزلي الاكل علي دفعتين اول طبق نزل كان في ساشيمي سالمون عبارة عن اربع قطع من السمك الraw بيبقي ني خالص بس محفوظ بطريقه تخليه ينزل فريش و طعمه يجنن و جنبه كان قطعتين من الاخطبوط الني اللي انا بحبه جدا و قطعتن من النجيري سلامون العادي المتعارف عليه و معاه الكافيار الاحمر و الكافيار الاسود الاتنين انا بعشقهم وليهم مذاق خاص الاحمر ده عامل زي الفقعات الكبيرة و طعمه في مراره بسيطه بس حلو جدا و طعمه قوي و مختلف اما الاسود فا هوا مسلي جدا كرات دقيقه صغيرة جدا من الكافيار طعما شويه مسكر و بتزغزغ اللسان بحب القطها بالعصيان و امزمز فيها لما بتقع وانا بقطم القطعه بعد ما خلصت الطبق ده نزل الطبق التاني كان فيه التيماكي اللي هوا شبه القرطاس ده واحد جواه جمبري و واحد جواه سلامون و معاهم نوع خضرة شبه الخس مشهورة بس ناسي اسمها طعمها حلو اوي و معاه افوكادو و رز طعمه يجنن و جميل جدا الsea weed او النوري اللي متغلف بيه الاخضر ده ملوش طعم اوي بس انا بحب احساسه و هوا بيتمضغ و بحب ديما اكله مع التيرياكي صوص و الصويا و بيقدموا صوص مخصوص هما اسمه توسنامي سبايسي صوص طعمه يجنن بس بيليق اكتر مع الحجات المقليه و بالنسبه للحجات المقليه كان ليها نصيب كويس في الوليمه دي طلبت اربع انواع مقليات من السوشي سلامون و سبايسي سلامون و ديناميت سلامون و جمبري كالفورنيا رول الspider كان عالمييييي كل العادة في اي مكان بعشقه و الكالفورنيا كمان جدا من المفضلين بالنسبالي كان جديد عليا الاسبايسي بس حبيته جدا خلصت اكلي و طبعا اتبقي مني مهو لازم اسيب مكان للحلو و حقيقي انا مسبتش بس مكنش ينفع افوته عشان عندهم اختيارت جديدة عليه في الحلو و نقيت منهم Desert : deep fried ice cream

عبارة عن ايس كريم عادي من الفريزر عليه خلطه زبدة فول سوداني و قطع سوداني و حجات كدا بيتغلف بيها و بينزل يشم النار يتقلي بسرعه و يطلع يتقدم مع صوص كراميل او شكولاته او فراوله العجيب انه من جوا متلج و من برا سخن و مقلي مقرمش !! غريب اوي الموضوع طه بس فكرته صايعه جدا و عجبتني اوي اما طعمه فا كان حكايه رجعني لذكريات طعمه الخلطه اللي برا شبه ايس كريم مان بينزل زمان بالسوداني كان تحفه كنت بحبه اوي بس مش فاكر اسمه خالص الخلطه اللي برا تجنن تجنن و الصوص و سقعويه الايس كريم مع سخونيه الخلطه ميكس رهيييب يضرب في الدماغ تقوم منشكح بعد الاكل الفشيخ و الجديد ده.

اسعار الكومبوهات ال ?? قطعه ب ??? و ال ?? ب ?? و الشوربة ?? الايس كريم المقلي ??

تسونامي سوشي ، متفرع من ?? يوليو امام مطعم ابو السيد الزمالك