المحتوى الرئيسى

بالهنا والشفا عندما سقط مطعم بحة الشهير

(انا الحقيقه محبتش مطعم النهاردة كـ أكل بس حبيت الحاله و اللمه والجنان انا مبندمش علي تجاربي السيئه عشان ديماً بيبقي عندي استعداد انبسط و ابسط اللي معايا )

IMG_6704

كان نفسي في ممبار في الأساس وضربت في دماغي وأنا أصلاً دماغي جزمه مش هنام غير أما أكله

خدت العربيه وطيران سألت طبعا الأكيلة اصحابي علي صفحتي

أكل فين يكون فاتح دلوقتي قالولي اختيارات كتير بس كانوا يا بعيد يا قافلين جيه في دماغي بما إني بحب السيدة زينب أروح «بحه»اللي في شارع بورسعيد مجربتوش قبل كدا وقولت اجربه

ويارتني ما جربته!

اللي بيقدم الأكل في منتهى الإهمال وعدم النضافة ودا متوقع بس مش بالمنظر ده أبداً

طبيعي محل في الشارع هيبقي مش نضيف خصوصاً لو بيقدم أكل زي ده أصلاً أشلاء حيوانات:)

انا مليش فيه ! الممبار كان عاميني

نزلت من العربية ركنت جنب الترابيزة

و طلبت الأوردر:

IMG_6701

الأول نزلي السلطة جاب طبق وغطسه في برميل سلطه كدا و مطلعه بيشر مياه وغرقني وغرق الترابيزة وجاب طحينه شكلها مكلكع كدا وطرشي لونه غريب سكتت كدا كدا مش هقربلهم

قولت بلاش عك وانا مليش في الليله دي كلها غير في الممبار والكبدة الباقي دول مبحبمش وقولت اجرب عنده الكوارع مع اني كنت خايف منه بس قولت لو معجبتنيش مش هاكلها

IMG_6697

نزل الشوربه ولقيته شايلها وحاطط نص صباعه فيها والحقيقة عجبت القطط جداً كلوها كلها بقلب في الشوربه كدا لقيت حتت كوارع في آخرها شعر حيوانات ايوه الله زمبؤللك كدا سديت مناخيري و قررت ادوق ايوه انا مغامر و احب ادوق لقيتها طعمها استغفر الله بجد اولا مش دسمه كدا زي شوربه الكوارع ولا فيها اي طعم حطيت ليمون و ملح وجربت مفيش قلت فاكس بقا القطط غلابه وجاعنين قولت الممبار هيعوضني

IMG_6696

طبعاً أول ما الطبق نزل انا انقضيت على الممبار بسرعه ولهفت اتنين كدا حشرتهم في بقي بس وانا بمضغ ملامحي كشرت واصحابي بصولي كدا قالولي في ايه قولتلهم هوا ده ممبار !! قالولي انت شايف ايه

يا جدعان دا اكيد مش ممبار الممبار بيبقي مقرمرش والرز مفلفل كدا وفيه خضرة وقطع طماطم دايبه ومشطشط دا مزز شويه كدا ومليان زيت تقيل شبه السمنه كدا والرز معجن والجدار اللي المفروض يبقي مقرمش طري جدا ومقزز :(((( واا حسراتاه ! قولت خلاص نصيبي والقطط برضه غلابه جربت ادي للقطه مشيت وسابتني شمته وقرفت ومشيت لاكن جربت قطة تانيه شكلها مكلتش من اول ما اتولدت كلته الغلابنه واديتهولها كله قولت الكبده هي اللي هتعوضني !

طلعت زفرة و شامم فيها ريحيه الللحمه النيه دي وبتبقع الممبار وهي فوقيه حاجه زي دم ! قلت يادي القرف اللي انا وقعت فيه الاكل شكله يخدع جداً انا اتخدعت النهاردة و دفعت فلوس على الفاضي

IMG_6700

انا عارف ان مش من حقي أهاجم مطعم زي ده عشان هوا أصلا مش مستوي والمفروض أكون عارف بس «حبايب السيدة» أحلى منه علي الأقل طعم الحاجه حلو حتي لو مش نضيف ! دا مش نضيف وناس مهمله وأكلهم مقرف يعني الكبدة فضلت آكل منها وحطيت عليها كيلو ليمون وكنت بمسحها بالخضرة وحطيت طحينه كتير جربت آكل مقدرتش برضه

بس اتبسط بالتجربه وبقية اليوم والجنان وإني لميت أصحابي بسرعه الساعه ? الفجر ونزلنا عملنا كدا في «بحة » شارع بورسعيد ده مش هقربله تاني

IMG_6702



لا تنسى تقييم الموضوع

القسم : طبخ

المصدر : ßÓÑÉ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا