بالهنا والشفا: Jambalaya مطعم إسباني بجد
في ناس قليله ربنا مخليهم يعرفوا يبسطوا نفسهم بأقل الحجات ومنها حب الأكل و تجربة الأكل الجديد تحس انك لما بتروح مطعم جديد انك سافرت بالذات لما يكون مطعم عنده ستايل و مود و روح مختلفه و دي حاجه بفتقدها في مطاعمنا المصريه او مطاعم( السبوبه) حد فاتح باقل التكاليف عشان ياكل عيش حتي لو صارف موجهه صرفه للابهار بس من غير ما يكون عنده ستايل او يخلق قصه و روح للمكان !
المكان اللي رحته النهاردة مختلف تماما عن اي حاجه رحتها قبل ا و عجبني جدا الصراحه و هكررها اما يوحشني موده
المكان كوزي cozy صغير و حميمي و يتحب بسرعه الوانه كمان ملاينه دفا الاصفر و الاحمر ولون الخشب و الوان الشيشان اللي متعلقه و محطوطه علي الببان المبهجه اللي مريحنيش الكراسي مش حلوة حديد مش مريحه بس بقيت المحل يجنن.
اول مره اكل اكل اسباني الحقيقه و عجبني جدا
جربت من هناك العيش الملون اسمه كو?يه زيتون و توم و اعشاب و زعتر بينزله معاه مطحونين مع بعض
Guacamole افوكادو مطحون بس مع عيش تورتيلا
كبده فراخ مع صوص بطاطس مع عيش شامي
Puré de garbanzos حمص بالسجق
Paella marinara بيلا مارينارا رز بالجمبري و بلح البحر و كاليماري و فلفل الوان و بصل و توم Macsrone de pollo salsa de champineneos خم باستا وايت صوص بالجبنه البارميزان و الفراخ
الحقيقيه الpaella دي كانت تجنن عمري ما اكلت حاجه شبهها و كان الرز يجنن مفلفل و غرقان صوص و معاه خضار بيقرمش و النكهه عاليه و الجمبري و الكليماري و بلح البحر عاملين طعم اكل البحر الجميل ده زود علي الاكله دي شويه فلفل اسود و ملح عشان ملحها قليل هتبقي تجنن حقيقي
المكرونه كانت مش تحفه و هما برروا ده بانهم مش متخصصين فيها عشان دي ايطالي ! انا ذنبي ايه ؟ بس طلعوا ذوق و اعتذرولي عن ده الحقيقه بس ملقيتش اكشن كافي بس معالينا
المقبلات شهيه جدا بالذات اللي لفت نظري الحمص الحمص جميل واول مره اكل حمص معمول زي ما بنعمله في البيت و اللبنانين بيعملوه مسلوق و مطحون و معموله خلطه كان حلو اوي السجق كان قليل بس لطيف مكنش ليه لازمه اوي الحقيقه الكبده كانت حلوة بس مش مميزه اوي الافوكادو ده بقا كان حكايه كنت مبسوط بيه اوي هوا و العيش بتاعه التورتيلا الافكادو كان كريمي كدا مطحون و ساقع و كان حادق و حلو متفهملوش حاجه و ده اللي يخليك تفضل متشوق انك تمييز ايه الغالب كان معمول بطريقه جديده بس عجبتني اوي اوي و هروح اكله تاني بسطني اوي و انا اصلا بحبه فيىالسوشي فا انشكحت
المحل مود تغيير جديد اعتبره انك مسافر لاسبانيا بالذات ان الشيف بتيجي تتكلم معاك بالانجليزي وشكلها مهندم و شيك بس هي مصرية اسبانية تقريبا بس الجرسونات بتتكلم عربي عادي المحل الديكور بتاعه هايل عاملاه والدة صاحب المكان و هما مصرين بس الشيف اسباني
الاسعار الافوكادو ?? الحمص ?? الكبده ?? الزر البيلا ?? المكرونه ?? الخدمه ??
شارع أحمد حشمت ، الزمالك
القسم : طبخ
اضف تعليق