بالهنا والشفا: المكرونة بمفهوم جديد فقط في El maiz
مطعم النهاردة مميز جدا وفكرتة جديدة و فيه انواع مكرونات مش بتتقدم في حتت كتير زي الماك اند تشيز اسمه el maiz
عارفين الكافيتيريا اللي بتبقي في المصانع وفي الجيش بيسموها الـmaiz المطعم عامل ديزاين المصنع ولبس الا?ارول والطاقية بتاعت المصنع وبيقدموا مكرونه هوم ميد عندهم ماكينه المكرونه في المطعم وبيصنعوها كل يوم الصبح.
وكمان عرّفوني علي البيتزا اللي بتتاكل بالمعلقة والفرايز اللي بالجبنه والتوم وحجات كتير اخترت منهم مكرونه سلامون مدخن وصوص بينك مع بيتزا مييت بوولز وبطاطس بالجبنه الأطباق نزلت في اطباق ستانلس شكلها حلو اوي والبيتزا بتنزل في الصينيه بتاعتها.
الاكل شكله حميمي ومعمول في البيت كدا. انا فضلت لابس الخوزة طول منا باكل انتماء للمكان وتقمصا للدور ؛) اكلت الاول المكرونه كانت آل دينتي مش متسوياه جامد علي الطريقه الايطاليه .
مع سلامون و خضرة و بينك صوص كانت تجنن و سخنه و طعم عجينه المكرونه نفسه مختلف حبيتها قوي بس بعد كدا هطلبها مستويه كويس بستمتع بيها اكتر متسويه كويس شوية نزل البطاطس قعدت انق نق فيها عقبال ما البيتزا اللي مستنيها تنزل . كانت حلوة اوي و بيتي و سخنه عجبتني اوي .
المكرونة المييت بولز او كرات اللحم كانت مخبوزة في الفرن مش مقلية زي اغلب المطاعم و حلوة جدا البيتزا بقا نزلت و هي كانت الاجمل الحقيقه احلي حاجه بيعملوها .
عجينة رقيقة زي الورق تحسها عجينة حلويات أصلا من خفتها وطعمها الجميل وعليها أطنان من الجبنة ومكعبات لحمة طعمها لذيذ جداً قطعت حته بالمعلقه وخدتها بسرعه سخنه تجنن لسعت لساني بس كملت عادي مليش فيه انا طبعا كنت شبعت بعد ما خلصت نصها عشان واكل قبليها المكرونه والبطاطس بس وانا بديهم الطبق مليان نصه قعدت اخد معلقه في معلقه وقولتلهم شيلوها بجد من قدامي هفضل اكل عارفين لما تبقي حاجه حلوة اوي وانت شبعان وتحب تتطافس مش عايز تفوتها ؟ الكميات عندهم قليلة بالنسبة للمكرونة المهم دفعت الحساب بسرعه وقررت امشي عشان مخدش منها تاني تجربه جميله و اتبسط بيها وادوني كوكيز عاملينها و بونبون نعناع جميل منعش جدا.
الاسعار: ?? بيتزا و ?? مكرونه و ?? بطاطس
3 شارع ابو الفدا بالزمالك بجوار بنك HSBC
القسم : طبخ
اضف تعليق