بالهنا والشفا: كبابجي أبو باسم في الحسين.. طعم لا ينسى
أنا مش بحبه بس أنا بعشقه المكان ده حقيقي أولاً عشان ذكريات كتير هناك ديماً بعد أي تحقيق نجاح في حياتي كنت بروح هناك أنا وناس مختلفة كل مرة، بس مع شخص مكرر دايما اللي هوا والدي.. بجد برتاح للمكان ده جداً بالذات ان موقعه قدام جامعة الأزهر على الشارع الرئيسي، شارع الأزهر ?في الحسين وأنا اصلا بعشق الحسين بكل اللي فيها، مكان مريح جداً نفسياً في مصر !
المطعم بيبص على الجامعة والشارع بليل كدا برضه مليان ناس بس الناس اللي نازله تتبسط وبتضحك وماشية مبسوطة بالسقعة مع بداية الشتا اهو ومتكلفتين كدا ومأنجچين بعض ومدفيين ?وانت بتتفرج ومستني الأكل ويعدي الحناطير والاغاني اللي شغالة في الشارع تحت في موود و حياه متلقيهاش غير هنا ?طبعا أنا رحت ??? مرة فا معروف هناك من زمان ?طلبت ربع كباب وكفتة ونص فرخة مشوية وحواووشي وورق عنب وحمامة و ممبار ?وسلاطات.
الفراخ المشوية هناك حلوة أوي ومش زفرة بس مفيهاش جديد يعني مفيش خلطة مختلفة أو حاجة غريبة بس أحسن حاجة إنها مشوية كويس وباين فيها طعم الشوي عشان على الفحم وكدا.
شمرت ودخلت على التقييل الكباب وقعدت بايدي اقطعه حتة على قد لقمة واغطسها في طبق البابا غنوج وازنقها بين سناني اللي عاملة زي المفرمة اللي مبترحمش واخدة اوردر من كرشي اللي يعدي تحتها مترحموش هاهااه، لقمة مع طحينة لقمة مع بابا غنوج ومعلقتين سلطة في النص مشطشطة تعلي الموضوع علة لقمة كمان كفته وقطع الخضار المقطع الطماطم والخيار اللي بيطفوا الحريقة بتاعت السلطة الفشيخة ?كان في بريك في النص للممبار كان فوق الوصف حقيقي حاسس فيه بطعم الطماطم ومحمر ومقرمش وطعم الخضرة باين ومسكر شوية وسخن مولع كان ناقصه شطة ويبقي فشيخ أكتر ما هو كان فشيخ? وبعدين النقله في الطعم على الفراخ المشوية تاني مع العيش التوست الفشيخ اللي مشوي برضه على الفحم والورق العنب مكنش أعظم حاجة بس كان مقبول، بس الحقيقة ان امباكلش الورق العنب لو مكنش فشيخ فاسيبته مكلمتوش ورحت على الحمامة الغلبانة اللي وقعت تحت ايدي مترحمتش بس الحمام أنا اكتر بحب الرز بتاعه والمصمصة.
الحمامه مستوية كويس والرز جواها جميل وسخن والجلد مشدود مش مرييح ورخم في المضغ عجبتني جداً.
الحواووشي من أعظم الحجات هنا وبرضه بيسوه في الفرن ويطلع يتحمص على الفحم حاجة آخر عظمة !!
الله.. الأكل هنا بجد متعة لا تقدر بمال ?ومن ناحية المال فا هوا أسعاره تحفة فوق الوصف والأكل جودة عالية جداً
هتحبوا المكان أوي بجد جربوه هتكسبوا مطعم جديد في لستة المطاعم اللي بتحبوها وهيبقى مكانكم المفضل زي ما هو مكاني المفضل من سنين طويلة لما أحب اكإفي نفسي بروح هناك وببدأ بيه جولتي في مكاني المفضل في مصر الحسين
الأسعار
حمام مشوي ??
كيلو كباب و كفته ???
حواوشي ?? جنيه
فرخة مشوية ??
ورق عنب ??
ابو باسم الحاتي شارع الازهر، الحسين
القسم : طبخ
اضف تعليق