كلنا اكيد بنحب الاكسسوار لانه يعتبر من المكملات المهمة اللي بتحلي اللوك بتاعنا, ده غير ان اختيار الاكسسسوارات من الحاجات اللي بتعكس شخصيتنا وبتعبر عنها كل واحدة بتختار اللي بتشوف انه بيوصف او بيعكس شخصيتها, بس في حاجة كمان مهمة اوي لازم نحطها في الاعتبار لما نيجي نختار الاكسسوارات وهي الاكسسوارات اللي تليق علينا, عشان كده احنا النهاردة جايبين لكل بنات حوا دليل هيساعدكم لاختيار الخاتم المناسب لايدك, لان كل شكل ايد اكيد ليها اللي يناسبها ويظهرها بشكل احلى وده اللي هنعرفه مع بعض من خلال المقال بتاعنا.

دليلك لاختيار الخاتم المناسب لايدك:

– الخاتم المناسب حسب العمر:

بالنسبة للسن الصغير او الايد الشباب يعني اللي مافيهاش تجاعيد انسب خاتم ليها هو الخاتم الرفيع اللي ليه فص او حجر صغير.

الخاتم المناسب حسب العمر

لكن السن الاكبر اللي بيكون الايد فيها تجاعيد هيبقى الاختيار العكس هيكون انسب خاتم ليها هو اللي حجمة كبير بفص او حجر كبير لانه هيلفت الانتباه وهياخد العين عن التجاعيد او بقع الايد او الاوردة اللي بتبقى ظاهرة في الايد بسبب السن.

الخاتم المناسب حسب العمر

– الخاتم المناسب حسب شكل الايد:

لو انتي صوابعك قصيرة وعايزة تبينيها اطول البسي الخاتم اللي ليه حجر طويل ورفيع من فوق لانه بيظهر شكل الصوابع اطول.

الخاتم المناسب حسب شكل الايد

لو صوابعك طويلة هيبقى مناسب ليكي جدا تلبسي خاتمين في صوباع واحد والستايل ده نازل موضة جدا بيتلبس خاتمين رفيعين واحد فوق وواحد تحت, الستايل ده هيداري من طول الصوابع.

الخاتم المناسب حسب شكل الايد

لو صوابعك طويلة اوي اتجنبي الخواتم اللي واخدة شكل بيضاوي او طويل لانها هتطول الصوابع اكتر, لكن هيبقى انسب خواتم ليكي اللي واخدة شكل دائري.

الخاتم المناسب حسب شكل الايد

لشكل الصوابع اللي بتكون العقل بتاعتها بارزة وشكلها متقسم اوي انسب خاتم ليها اللي بيكون ليه حجر او فص كبير واتجنبي الخواتم الرفيعة لانها هتظهر شكل العقل اكتر.

الخاتم المناسب حسب شكل الايد

لو عايزة تبيني شكل صوابعك اصغر يبقى انسب خاتم ليكي هو اللي بيكون على شكل ثلاثي او شكله مثلث, او اللي بيبقى حجمة مش متماثل يعني يكون فيه جزء اكبر من جزء او ناحية اكبر من التانية.

الخاتم المناسب حسب شكل الايد

– اختيار الخاتم حسب القواعد او الآداب العامة:

الخاتم اللي بيكون بفص دايموند او بيلمع الانسب انه يتلبس بالليل مش الصبح, ومتلبسيهوش على جينز او بلوفر او لبس كاجوال بشكل عام الافضل انه يتلبس في مناسبة بالليل.

اختيار الخاتم حسب القواعد العامة

في بنات بيلبسوا كمية خواتم كتير في ايد واحدة ده شكل مش حلو خالص وبيعكس فكرة عنك بذوق مش حلو او عدم رقي في الاختيار, عشان كده الافضل اننا نبعد عن لبس خواتم كتير في ايد واحدة كل ما كان الموضوع ابسط كل ما كان احلى وبيعبر عن ذوق ارقى.

اختيار الخاتم حسب القواعد العامة

للبنات اللي بيحبوا يلبسوا خاتم في الصوباع السبابة انسب ستايل خاتم ممكن تلبسيه في الصوباع ده هو اللي بيبقى واخد شكل هندسي او عليه رسومات هندسية.

الخاتم المناسب لايدك

الخواتم اللي بتكون معمولة من خامات او معادن مختلفة او بالوان فصوص واحجار مختلفة مينفعش انها تتلبس مع بعض لان هيطلع شكلها مش حلو على الايد.

الخاتم المناسب لايدك

متلبسيش خاتم يكون فيه حجر كريم بحجم كبير او خاتم كبير بيلمع وتكوني حاطة مانيكير بيلمع لانه هيبقى اللي بيلمع كتير اوي على الايد وهيطلع شكلها اوفر اوي.

الخاتم المناسب لايدك

لو لابسة حاجة Formal او رسمي اوي يبقى البسي خاتم رفيع جدا شبه الدبلة او ممكن متلبسيش اكسسوارات خالص معاها.

الخاتم المناسب لايدك

اتجنبي انك تلبسي الخواتم اللي بحجر او فص طويل وتكون ضوافرك طويلة الافضل انك تختاري خاتم بحجم صغير يعني هيكون مناسب اوي الخاتم الرفيع مع حجر صغير.

الخاتم المناسب لايدك

لبس الخاتم في الصوباع الابهام ده بيعبر عن شخصية مميزة ومبدعة وهيكون انسب خاتم تلبسيه هو اللي حجمة كبير من غير تفاصيل.

الخاتم المناسب لايدك

لو حابة تلبسي خاتم في الصوباع الصغير يبقى الافضل تختاري خاتم رفيع من غير حجر, لان الخاتم الكبير هيطلع شكله مش حلو.

الخاتم المناسب لايدك

شوفي كمان دليل هيساعدك تختاري الاكسسوارات المناسبة مع لبسك وشكل وشك