بالهنا والشفا : إسكندراني?? حيث الخداع البصري في صور الدعاية للمطعم على فيسبوك
انا عمري ما ممشيت من مطعم وانا حزين بالشكل ده زي النهاردة انا اول مره امشي بطني مقلوبه و نفسي مقلوبه و وشي مقلوب المطعم ده من اسوء المطاعم اللي زرتها في مسيرتي وجولاتي علي المطاعم خدمة ردئيه و منتهي الانحطاط في التعامل مع البشر
معئني سمعت عنه من الفيس بوك و الدعايا بتاعتهم انه هايل و الصور تجوع و كلامهم يحسسك انك رايح تاكل اكل يجنن دخلت بطلب الاوردر و بعدين هقعد استني الكاشير بيكلمني بقرف ولا كأني قاتله قتيل معئني كنت بهزر معاه و منتهي اللطافه و بقوله شكللك مضايق من حاجه معلش وهدي نفسك (بكل شياكه) زعلان مني طيب اني جاي اكل عندكوا ؟(بهزر) قالي اكيد مش منك (وهوا قالب وشه جدا وب بقرف) قولتله اكيد اكيد مش مني وانا هضايقك ليه مردش عليا و سابني و دخل جوا وانا لسه مخلصتش طلبي
وانا واقف عند الكاشير مستنيه لقيت حد بيزقني بيقولي اعدي بس (بيزقني بمعني الكلمه (الجرسون عايز يدخل المطبخ) قولتله هوا بجد انت بتزقني مش بتقول لو سمحت ؟ منا عايز ادخل جوا انا :******* قعدت علي الترابيزة برا عشان جوا مش مشغلين تكيف و حر جدا و الناس اللي جوا عيله كامله قاموا خرجوا برا من الحر و بيتشكوا من تأخر الطلب وانه جيه ناقص انا فهمت نوعيه المكان و ابتديت اقفل منه و نفسي اتسدت قولت يارب الاكل يطلع حلو علي التأخير ده كله
نزل الاكل ناقص كنا طالبين ? مكرونه بالكبده ربع كبده ربع سجق حواوشي مشكل جبن بطاطس طرشي
منزلش ولا السجق ولا المكرونه
ندهت الكاشير قالي انت مطلبتش سجق و مكرونة قولتله روح راجع الشيك قالي اه معلش نسيت المكرونه لاكن مفيش سجق قولتله عشان انت مش مركز في شغللك و فالح تقلب وشك في وش الناس قالي انا مركز في شغلي و حضرتك مطلبتش سجق قولتله انا كداب و بتبلي عليك صح؟ قالي لا هجبللك سجق قولتله مش عايز حاجه اكلكم وحش وانتوا تسدوا النفس صاحبي هداني و طلب السجق وانا كلت شوية من الاكل جت بنت صغيرة بمناديل بتسال عن مساعده اديتها اكلي خلاص نفسي اتسدت حقيقي و حرام يتساب محدش ياكله دوقت الاكل قبل ما اعمل الخناقه الكبده نازله باردة بس ملهاش طعم بس نضيفه مش بايظة او حاجه بس ملهاش اي طعم ولا ريحة التوم ولا الفلفل اللي فيها ليه طعم سبايسي او حاجه بارد السجق فعلا ردئ لدرجه مرعبه استحرمت اديه للبنت و سيبته للقطط و الكلاب فيىالشارع والله العظيم ما كلنا منه غير ? صوابع صغيرين و العيش احسن حاجه هناك و الطرشي الطحينه صايصه و مايعه ولا ليها معني
الحواوشي كان قنبله الاوردر جبنه قليله جوا الحواوشي معئنه مشكل جبن يعني المفروض يكون مليان جبنه وغرقان زيت من الجبنه ولا الهوا ! و شوية و بمضغ لقيت بذر زيتون لقمة كمان لقيت بذرة تانيه ناديته قولتله لو لقيت التالته هكسب عوامه ؟ مفهمش خبطت علي الترابيزة و قولتله مش هعتب المكان ده تاني لا انا ولا اللي اعرفهم
دفعت ?? جنيه في اكل مكلتش منه ب ?? جنيه منتهي القرف
اسكندراني ، خلف الجامعه العماليه ، موازي لعباس العقاد ، مدينه نصر
القسم : طبخ
اضف تعليق