بالهنا والشفا: مطعم كوري في الزمالك يستحق الزيارة
أكل جديد جداً من المطعم الكوري وأحلى حاجة في انك بتشوي الاكل في ترابيزتك شخصياً على الفحم!! فكرة جديدة مش مستهلكة وتجربة مختلفة المكان يصلح لقاعدة طويلة أو عايز تعزم حد وتاخدوا راحتكم وتاكلوا وتشربوا وتشووا وتضحكوا وترغوا وتجربوا أكل جديد.
انا استمتعت بالمكان، شويت النهاردة فراخ، ولحمة مشهورة في كوريا اسمها bulgigi beef
الاتنين بينزلوا نيين ومتتبلين وانت تشويهم بيفتحولك من نص الترابيزة شواية و تبتدي تشوي الفراخ واللحمة و بينزلوا أنواع سلطة كتيييير جداً عشان تمتع حاسة تذوقك بأصناف عمرك ما سمعت عنها وسلطات مبتكرة جدااا
بعد ما بتشوي اللحمة بتحطها في صوص الباربكيو الكوري وبعدين تطلعها في الطبق، وتاكل.
الاول نبدأ بالمقبلات وهي عباره عن السلاطات، كلها على الطريقة الكورية:
سلطة ثوم سلطة خيار سلطة فلفل أحمر حار سلطة بطاطس سلطة كوسا سلطة كرنب بالصوص يجنن سلطة سبانخ أحلى ما فيهم الفلفل الأحمر والكرنب الشوربة Hot fish shredded with shredded vegetables soup
عبارة عن سمك و جمبري وصوص حراق ومزز وخضار محمر ومشروم تحفههه، بتخليك تاكل وبتفتح نفسك جداااا جميلة
الطبق الجانبي كان mixed vegetables on rice with chicken
دا عبارة عن رز بالخضار والفراخ مع البيض العيون من فوق يجنن وتحس انك كلت واتغذيت كدا مش مجرد طبق جانبي مكترتش منه عشان اعرف اكمل بقية الاصناف
الحلو كان جريب فروت هدية من المكان
التعامل جميل والجرسون مصري وصاحبة المطعم كورية كل يوم متواجدة وأغلب الزبائن أجانب وكوريين وآسيويين عموماً، والأكل كميات كبيرة ومشبع جداً وممتع للعين.
تجربة مختلفة والأكل هناكك يجنننننن والمكان ديكوره بسيط في مكان مستخبي في الزمالك بباب كبير ويافطة بسيطة
الأسعار:
الفراخ ??
اللحمة ??
شوربة ??
الرز ??
المكان بيقدم مشروبات كحولية
Hana korean barbecue 25 Hassan 3asem st , zamalk
القسم : طبخ
اضف تعليق