النهاردة تجربه عظيمه مع المطعم اليمني بجد اكلهم يجننننننننن بجد انا حقيقي اتبسط وهروح تاني كتير . المطعم مستخبي في حته صعب الوصول اليها.

هوا مطعم مساحته كبيرة مليان ناس جنسيات مختلفه بس أغلبيته يمنين فعلاً مش مصريين قليلين أوي المصريين اللي هناك .

بس الديكور متواضع جدا والنضافة مش احسن حاجه بس حقيقي الاكل مختلف جدااااااااااا وفي اكل كتير حلو.

الاكل كان «فحسه غنم»  وهي عبارة عن لحمه متقطعه بالتوابل شوربة وبصل وطماطم وبتتقدم في طاجن او طاسه صغيرة فشيخه.

أرز مع اللحم زربيان ( شبه الكبسه ) أرز  مع دجاج زربيان عبارة عن لحم او فراخ مدفونه تحت رز و عليها ههييل و توابل اسمائها غريبه معرفش احفظها مرقه شربه دجاج و لحمه علي بعض كانت ملهاش طعم اوي

خبز ملوح كبيير طعمه يهبل.

سحاوق صلصه مع فلفل و بهارات حراقه

فاصوليا بيضه مع الصلصه كانت حلوة اوي اول مره اكل فاصوليا بيضه بنهم كدا

مندي فراخ مع رز الرز بتاع الفراخ كان أحلي من رز اللحمه

ربع حنيذ تيس دا بقا اختراع دسم جدا بس هايل !

الأكل يا جماعه يجنن

الزربيان و الحنيذ اللحمه كانت لحمه من كتر ما هي مستويه كانت بتدوب اول ما تدخل البق و كانت بتزحلق من ايدي هي ملزقه بس مش مقرفه ابدا رائعههههه اول مره اكل لحمه معمولة بطريقة مختلفة و حلوة كدا هي لحمة تييس تجننن خطيرة ملبسه جدا و طعمها يجنن

الفراخ برضه اذا كان المندي او الزربيان كانت رائعه بس انا ركزت مع اللحمه كانت شداني اكتر بس دا ميقللش من الفراخ

الفحسه دي بقا اكتر اختراع موتني من الجمال عبارة عن نساير لحمه معموله مع بصل و طماطم و توابل و متشوحين مع بعض طعمها يهبل كنت باكلها بالعيش الخرافي بتاعم الكبيير ده طعمه يجننننن

افتكرت جدا رأس شيطان و جمالها ( منطقه في سينا والشوي اللي فيها و البحر و القاعده البدوي و الشاي ) بجد اكل ينقلك لبلد تانيه اكنك سافرت اليمن او اتعزمت عند حد هناك

هروح تاني في اقرب وقت بس المرة الجايه هطلب تيس كامل و هجيب معايا ناس كتير و نروح نعض فيه سوا مين يجي ؟

بجد بجد بجد اتبسط جدا بالاكل و الاسعار و المود المحل حر شويه دا كانت العقبه الوحيدة هي و المعالق البلاستيك بس غير كدا مطعم يجننننننن و حقيقي يمني علي اصوله مش زي حضر موت و العك ده !

مش قادر انسي اللحمه انا لسه واكل من ساعه و جعت تاني اللحمه الزربيان والحفسه وحشتني

جربوه مش هتندموا علي مسؤليتي

الاسعار الزربيان لحمه مع الرز ?? الفراخ منه ?? المندي ?? الحفسه ?? الفصوليا ? مفيس سرفيس والمياه ? الحنيد ?? الباقي بينزل ببلاش

مطعم اليمن ، شارع الصومال ، الدقي