كيكة الاوريو بالفراولة والشوكولاته, خطوة بخطوة
كيكة شكلها وطعمها تحفة, والاهم من كل دا انها مابتحتاجش لتعب وشقى, ولا حتى لفرن!!
المكونات اللي هتحتاجيها:
300 جرام فراولة
330 جرام او 32 حبة بسكويت اوريو
1/2 كوب زبدة سايحة
100 جرام شوكولاته غامقة
200 جرام شوكولاته باللبن او بالمكسرات او بالبندق زي ماتحبي.
200 ملم حليب مكثف او كريمة
قالب تارت مستطيل مقاس 5×14 انش او 12×6 سنتيمتر
1- هنحط البسكويت في الميكسر ونضربه كويس جداً لحد مايتفتت كله
2- نضيف نصف كوب ذبدة سايحة على البسكويت بالمكسر ونضرب تاني
3- نضع الخليط في قالب التارت ونسويه بمعلقة من كل الجهات وخصوصاً الحواف
4- ندخل القالب في التلاجة على مانجهز حشوة الشوكولاتة
5- نقطع قالب الشوكولاته قطع صغيره ونحطها في طبق عميق
6- يسخن اللبن او الكريمة على نار من متوسطة الى هادية بضع دقائق من غير مايوصل لدرجة الغليان
7- يصب الحليب الساخن على قطع الشوكولاته ويترك لمدة دقيقة, وبعدين نبتدي بالتقليب
8- نستمر بالتقليب لحد ما كل القطع تذوب ويبقى الخليط سلس ومتجانس تماماً
9- نخرج القالب من التلاجه ونصب عليه الخليط ونزينه بالفراولة
10- بعد ما رصينا الفراولة على الكيكة هندخلها تاني التلاجة على الاقل ساعتين وكل مازادت المده يكون احسن والافضل انها تتعمل بالليل وتفضل في التلاجه لحد تاني يوم
11- لو حابة تزينيها بقطع المكسرات هيبقى خيار مفتوح ليكي او ممكن جوز هند مبشور
بألف هنا, اترككم مع الفيديو الاصلي.
لا تنسى تقييم الموضوع
القسم : اصنعها بنفسك
اضف تعليق