1- حصلت ثلاجتك في التو واللحظه على الاشكال الذهبية الرائعة دي.
اي اشكال ثلاجه ممغنطه موجودة عندك مش شرط حروف, بكل بساطه حطها في مكان مفتوح على جرنال, ورش عليها اللون الذهبي , سبها لحد ماتنشف , وخلاص كده
شكلها فعلا تحفة.
2- أسهل ديكور جديد ومش مكلف ممكن تجدد بيه الصالة او حتى غرفتك
اعطاء الاغصان الميته حياة جديده برشة طلاء ذهبية
3- ليه تصرف مئات الجنيهات على خلاط جديد للحمام؟ وفّر فلوسك وهات علبة الوان رش وجدد الخلاط القديم وأحصل على خلاط جديد وأحلى بكتير من القديم كمان.
4- اعمل نفس الموضوع لأُكرة الباب, هتبقى تحفة.
5- حبال الانوار اللي بتحمل لمبات صغيرة ممكن تترش باللون الذهبي ويتعمل بيها أجمل ديكورات
6- نرقي اصيص الزرع الفخار اللي كان لونه طوبي الى ليفل اعلى ونحوله لذهبي راقي.
7- مش بس الحاجات الصلبة هي اللي بتترش, في الوان رش مخصوصة للقماش.
قماش الكنب ممكن نغير لونه ونداري البقع اللي مش عايزه تطلع بواسطة رشّة بلون جديد كلياً ونكون حصلنا على كنب رائع.
8- حول عامود الستائر القديم عندك لواحد تاني تماماً.
9- حتى الورود الصناعية او المجففة ممكن بردو يبق بلون الذهب الخالص
10- حول الاطباق البلاستك الرخيصة الى اطباق بلون معدني قمة في الشياكة
11- وثلاجتك البيضاء المملة ممكن تتحول بالشكل دا
حتحتاج لتطبيق الشكل دا الى شريط لاصق عريض, حتلزق خط وتسيب خط لحد ماتلزق الثلاجه كلها وتبتدي الرش بالبخاخ الذهبي, وبعد كده هتشيل اللاصق, فحيديك الشكل المخطط دا.
12- اغطية البلاعات في الارض بردو ممكن نجددهم عن طريق التلوين وحيبقى شكلهم جديد فعلا.
13- حتى البوت الشتوي القديم ممكن نرقيه ويبقى عندنا واحد جديد
ممكن نخططه زي دا
او نغيير لونه كله زي دا
14- رشاش ذهبي + شاليمونات + شوية افكار تخيلية= زينه جميلة اوي لبارتي عيد ميلاد مثلا او حتى من غير مناسبه ممكن نشكل الديكور اللي يعجبنا.
15- رش مجموعة من الكور باحجام مختلفة برشاش عاكس زي المرايات, وتزيين الحديقة او مدخل المنزل , حيدي فخامه للمكان وايحاء بالاتساع.
16- حول الباسكت البلاستك بتاع المخلفات عن طريق تلوينه الى حامل للزرع في الحديقة ومش حتصدق النتيجة.
17- لو عندك طقم حديقة او طقم كراسي في البلكونه حوله من الوانه المملة او لو كان ابتدأ يظهر عليه الصداء الى الوان بتشع بالبهجه.
18- حتى الدواسات مهما كان نوعها بلاستك او مطاط ممكن تتحول لدواسه بالوان الترحيب.
19- غطاء مفاتيح الكهربا البلاستيكيه هتتحول بالشكل دا لغطاء فخم وثمين
20- حوّل اي مظهر قديم او رخيص للنجف عندك الى شكل تاني تماماً
21- اكيد مش حننسى المكتبات والارفف ممكن عن طريق تغيير لونها بقى عندنا مكتبة او وحدة ارفف جديدة.
22- نفس الموضوع للكومودينو والشوفينيرة وحتى للدولاب.
وماننساش نغير الوان المقابض كمان.
23- والباسكت الخوص دا نديلُه رشّة فضية ونحوله بلمسه سحرية لباسكت فضة.
24- نفس الموضوع بردو بس المرادي باسكت مهملات مش غسيل :)
25- وممكن نستخدم بخاخ الجلد لتجديد الطقم كله او تجديد كرسيين وتغيير شكل الديكور.
26- وحدة التي في بقت جميلة اوي بلونها الجديد , واحلى بكتير من اللون البني مش كده؟
27- غيرنا لون وشكل عمود الستاره يبقى بردو لازم نجدد المقابض اللي بنمسك بيها الستاره من الجنب.
بكدة تكون خلصت افكارنا بالنسبة للالوان الرش, ياترى اي منها عجبتكم اكتر؟ ولو عندكم اضافات لحاجات تانيه نسيناها ياريت تشاركوها معانا.
لا تنسى تقييم الموضوع
القسم : اصنعها بنفسك
المصدر : 
اضف تعليق