بالهنا والشفا: مغامرة الطعام الهندي الذي يجب أن تخوضها في مطعم Nawab
الحقيقه دي الزيارة التالته، آخر مرة كانت من زمان الصراحه وحشني أكلهم قولت لازم تشاركوني التجربة. انا حقيقي بشتاق جدا للاكل البيتي المطعم ده بحس معاه بكدا بس مش أي اكل بيتي اكل اختراع ومختلف تماما ودا بالظبط اللي أنا بعشقه.
الكميات هنا مشبعة جداً والأسعار مقارنة بالكمية حلوة المطبخ الهندي من مطابخي المفضلة وكمان بعرف أطبخ أكل هندي وصيني
رحت النهاردة طلبت حجات كتير في منهم جربتها قبل كدا ومنهم بجربهم لاول مرة.
سمبوسه الخضار ( سمبوسه محشيه خضار مقليه)
مسالا بابادام (خبز دقيق مقرمش و محمص سادة )
دجاج مسالا الزبده (قطع دجاج مشويه مطبوخه بالزبده)
كشميري بيلاو(ارز مطبوخ بالتوابل والثوم والكاچو واللوز والزبيب والجبن والمكسرات)
لاسي مانجو (مشروب زبادي مع مانجو )
الحقيقه الاكل نزل سخن مولع .
الاول نزل صوص النعناع والتمر الهندي الحراقين والمسكرين بعض الشيء ولازعين في نفس الوقت نزلوا مع السمبوسه العملاقه والعيش البابادام اللي عليه خضار فريش يجنن ورفيع جدا وطعمه تحفه قطعت السمبوسه الخلطه بتاعتها تجنن وجواها خضار وبطاطس مهروسه وخضرة حكايه و قعدت افنن كدا احط علي حته نعناع وحته تانيه تمر هندي الله كنت مسمتع جدا نزل الاكل
الفراخ كانت تجنن بجد دايبه في الصوص والتوابل قويه طعمها يجنن وحطيتها على الرز بقا احلوت اكتر مكسرات بقا وزبيب وتخيلوا كدا مع رز خفيف جدا هوا اصلا حاجه كدا اخر استمتاع بجد كانت تجربه عظيمه المانجو كنت بشربها بين الاكل زي ما قالولي عان تطفي ناار الاكل السخونيه و الحراق جبت اخري طبعا الاكل كان كتير اوي و التانك اتملي علي الاخر نزلي عيش كدا مقلي وانا اصلا خلاص بفطس حب المطعم يدوقهوني الحقيقه اتطافست جدا و كلت ربعه مع الصوصات اللي عشقتها التمر هندي و النعناع.
تجربة فشيخة حقيقي مع أكل فشيخ مختلف
المكان ديكور قديم هندي بس متهالك شوية محتاج تجديد هوا تقليدي وكوزي جدا وحميمي والأنوار مش عالية والاستاف فريندلي جدا
الاسعار
سمبوسه ??
خبز نان ??
دجاج مسالا ??
ارز ??
خبز ساده بالزبده ?
آخر شارع بهجت علي ، الزمالك
القسم : طبخ
اضف تعليق