المحتوى الرئيسى

احسن 25 فستان فرح للـ plus size

انك تبقى من اصحاب الـ plus size ده مش معناه انه اختياراتك تبقى محدودة لما تيجي تختارى لبسك، خصوصا لو كان فستان ليلة العمر . علشان كده بنات حوا فى المقال ده هتوريكى مجموعة من احلى افكار وتصاميم فستان فرح للـ plus size علشان تختارى منهم اللى يناسبك وتطلعى حلوة فى اهم يوم فى حياتك، واللى هتناسب شكل جسمك كويس و تديله لوك حلو وتبرز جماله ..

احسن 25 فستان فرح للـ plus size ..

1- ستايل الـ TANK LACE :

فستان الفرح لازم يبقى تحفه ومختلف و مفيش حاجه فى جماله، علشان كده ستايل الـ tank lace بتصميم الـ neckline المعمول من الجبير المطرز بالورد،وكمان بفتحة صدر على شكل V صغيرة علشان تخلى رقبتك تبان اطول وتديكى لوك مودرن. كمان الجيبونة الطويلة اللى فى ديزاين الفستان بتبين جمال الطبقات اللى فيه و بتديله شكل انيق ، اختيارك للفستان ده مش هيخليكى تندمى.

ستايل الـ TANK LACE

2- ستايل الفستان التل الـ strapless :

الفستان ده بيتميز بطبقة الجبير على الصدر اللى بتعزز من اللوك بتاعك وتخليكى متألقة مع نزولها على الوسط و بتتدرج على الجيبونة علشان تجمل ديل الفستان، وكمان الجيبونة المنفوشة من التل بتتناسب مع جو الفرح وشكل الفستان اللى مهم يبقى مختلف ومميز.

ستايل الفستان التل الـ strapless

3- الفستان المنفوش القصير:

الفستان ده تحديدا من موضة فستان فرح للـ plus size هيخلى اللوك بتاعك يخطف الانظار و يبقى اليجانت. الفستان المنفوش القصير بيعتبر من اكتر الستايلات اللى بتناسب اصحاب الـ plus size وبتبقى حلوة جدا عليهم وبتديكى شكل انثوى حلو خصوصا مع الصدر على شكل قلب او sweetheart مع فتحة صدر على شكل deep V neck و اكمام بحمالة عريضة من قماش الجبير. اهم نقطة فى الستايل ده هى الجيبونة القصيرة المنفوشة اللى بتخلى الفستان بتاعك شكله classy و مميز، وتقدرى تكملى اللوك بتاعك باختيارك للشوز المناسب لانه هيبقى باين فلازم تختاريه بعناية.

الفستان المنفوش القصير

4- الفستان الاورجنزا : 

بيعتبر من اكتر الفساتين المميزة فى موضة فستان فرح للـ plus size الموسم ده، بيضمن ليكى لوك مذهل بشكل كبير وهيخليكى تشدى كل العيون ليكى مع الضهر المفتوح  اللى بيتميز بيه الفستان ده، خامة الاورجنزا كمان بتضيف انوثة ونعومة لفستانك وبتخليه رقيق مع التطريز من الجبير اللى موجود على نص الفستان اللى فوق و شكله بيبقى stylish مع ديل الفستان الطويل .

الفستان الاورجنزا

5- الفستان الـ strapless المطرز : 

بيتميز تصميم الفستان ده بأن من اكتر ستايلات فستان فرح للـ plus size المحبوبة والمفضلة خصوصا بتفاصيل تطريز الفستان المميزة جدا على منطقة الصدر لانها بتضيف لمعة رقيقة مع قصة الصدر على شكل قلب مع باقى القصات اللى فى الفستان مع الزخارف المطرزة على الجيبونة النازلة على واسع، الجيبونة التل هتدى لمسة من الجمال على شكلك العام .

الفستان الـ strapless المطرز

6- الفستان ستايل TAFFETA SWEETHEART :

الفستاين بديزاين TAFFETA SWEETHEART بيعتبر شيك و ultra-classy بسبب فتحة الصدر والاكمام من التل المطرز بالورود، والجيبونة اللى طولها بيوصل للارض بتجمل الـ curves بتاعتك خصوصا انها معمولة من الحرير الرقيق اللى بيديكى لوك ناعم ورومانسي.

TAFFETA SWEETHEART

TAFFETA SWEETHEART

7- الفستان الشيفون بتصميم A line :

بيعتبر من التصميمات الكلاسيكية لفساتين الافراح خصوصا مع السلاسل على الكتفين  من غير اكمام و قصة الفستان المستقيمة من غير ما تبقى الجيبونة منفوشة، الديزاين ده كمان بيضيف لمسه من الجمال على المظهر العام بتاعك وتصميمه الـstraight هيخليكى تحققى هدفك بانك تبانى ارفع ويديكى لوك slim، وكمان الـجيبونة بتصميم  A-LINE  اللى طولها بيوصل للارض هتخلى شكلك فاتن بدرجة كبيرة.

الفستان الشيفون بتصميم A lineالفستان الشيفون بتصميم A line

8- الفستان الاورجنزا بقصة sweetheart :

اجذبى حضور كل معازيم الفرح بلوك العروسة المميز بفستان الاورجنزا بقصة sweetheart واللى بيعتبر من اشيك قصات فستان فرح للـ plus size خصوصا لو كنتى من اصحاب الـ apple shaped bodies. الاكمام وقصة الصدر على شكل sweetheart مختلفة وهتجذب الانتباه ليكى وكمان النص اللى فوق من الفستان المطرز بورد من الجبير هيدى لمسة رقيقة لفستانك ، اما الوسط المجسم على شكل A-LINE  من خامة الاورجنزا بتعتبر هى الجزء الاساسى فى تصميم الفستان ده خصوصا مع بداية نزولها على واسع من بداية منطقة الركبة.

الفستان الاورجنزا بقصة sweetheart

9- الفستان بستايل A line مع فتحة  على شكل حرف V  :

تصميم الفستان ده بيعتمد على الحمالة العريضة مع فتحة صدر على شكل حرف V وبينزل على الجسم بشكل املس ناعم من غير ما يبقى منفوش او فيه تفاصيل كتيرة و بيبقى مجسم ،  معمول من خامة ناعمة زى الستان او الشيفون وبيبوصل طول الفستان على شكل A LINE لحد الارض وطوله ده بيخليكى تبانى ارفع واطول.

الفستان بستايل A line مع فتحة على شكل حرف V

10- فستان الـ mermaid مع صدر كب :

قصة الصدر الكب بتعتبر من القصات المفضلة لاصحاب الـ plus size لانها بتبرز جمالهم و بتبقى لايقة عليهم بشكل كبير ، الفستان ده بتصميم الـ mermaid مع صدر كب و جيبونة منفوشة على شكل waves هتخلى الـ outfit بتاعك يطلع شكله خرافى!  الجيبونة فيه بتبقى طويلة و رامية على الارض بكلوش واسع و هتتماشى مع الـ curves و تخلى شكلك مميز من خلالها، الستايل ده من الفساتين هتشوفيه كتير فى موضة فساتين الافراح السنة دى.

فستان الـ mermaid مع صدر كب

11- الفستان الجبير :

خامة الجبير من الخامات اللى بتعتبر اساسية فى تنفيذ تصميمات فساتين الافراح لانها بتعتبر مثالية بتطريزها الرقيق وتفاصيلها اللى بتدى glamour لأى ديزاين تتنفذ بيه، الفستان ده من الجبير مكشوف الضهر ومجسم على الجسم من فوق لحد نهاية منطقة الخصر وبعد كده بينزل على منفوش، تصميم الفستان بيدى الجسم شكل حلو لانه بيبقى مجسم من فوق فبيبرز تفاصيل جسمك وبيجملها وفى نفس الوقت الجيبونة المنفوشة بتجمل الـ curves وتبينها احلى،الفستان ده هيخليكى تجذبى الاهتمام بشكل كبير بسبب تصميمه المميز .

الفستان الجبير

12- فستان بستايل RHINESTONE :

الستايل ده بيعتمد على التطريز بالكريستال على منطقة الصدر ومن بعد الوسط الجيبونة على شكل طبقات بتوصل لحد القدمين، وهتلاقيه متوفر بالستايل الـ straight و الستايل المنفوش من خامة الشيفون.

فستان بستايل RHINESTONE

13- فستان  A line بكلوش واسع :

ده بيعتبر ستايل فساتين الاحلام اللى كل بنت بتتخيله ، بيعتمد التصميم ده على ان الفستان يكون مجسم من فوق على شكل A- LINE وبعد كده يبدأ ينزل على واسع بضهر وصدر على شكل V  وبيبقى من خامة الجبير او التل المبطنة بالستان، الديزاين ده بيحدد شكل جسمك بقوة وبيبين جماله. الجيبونة بتبقى بديل واصل للارض علشان تدى لوك فستان الفرح الاليجانت .

14- فستان بكم وديل طويل :

ده فستان بيشبه فى ستايله الفستان اللى لبسته  kate middelton دوقة كامبريدج فى فرحها، بتصميه المحتشم بكم وديل طويل من غير ما يبقى مكشوف، الفستان معمول من خامة الجبير او التل المطرز على الصدر بكريستالات و من تحت من الستان بطيات متكررة على طول الجيبونة ، شكل الفستان الانيق بيخله مختلف جدا عن ستايلات فساتين الافراح اللى متعودين نشوفها .

15- فستان كب من الجبير :

بيعتبر واحد من التصميمات المثالية ، الفستان ده بشكله الكلاسيكى بقصة الكب على الصدر و جسم الفستان الـ straight بيدى طول واحساس بالرشاقة. الفستان مزين بقماشة التل او الجبير علشان يضيف لمسة من النعومة للوك بتاعك وشكله المميز هيخليكى مختلفة يوم فرحك.

فستان كب من الجبير

16- فستان strapless بكلوش واسع :  

فستان كب من غير اى حمالات بكلوش واسع من الستان المطرز بالجبير، نفشة الفستان الواسعه بتديكى الشكل الكلاسيكى لفستان الفرح اللى كل عروسة بتتخيله ، ضهر الفستان بستايل الكورسيه علشان يخلى ضهرك مفرود ويدارى و يشد اى عيوب او بروز فى الجسم، الفستان بالتصميم ده هيخليكى متألقة.

فستان strabless بكلوش واسع

17- فستان mermaid من الجبير :

ستايل الفساتين الـ mermaid هتشوفيه كتير لانه من الستايلات الموجودة بشدة لموضة فستان فرح للـ plus size ، الفستان ده معمول كله من خامة الجبير لحد بداية ديل الفستان من عند الركبة معمولة من خامة التل، اما الكمين من التل الشفاف و المطرز بالجبير، مجسم بفتحة صدر رقيقة على شكل قلب . وديل الفستان معمول من طبقات مختلفة و طويل بيرمى على الارض.

فستان mermaid من الجبير

18- فستان mermaid بفتحة صدر على شكل sweetheart :

فستان mermaid بفتحة صدر على شكل sweetheart او قلب من غير حمالات ، مجسم لحد بعد منطقة الخصر وبعد كده بينزل على نفشة بستايل يشبه ستايل عروسة البحر او الـ mermaid، تصميم الفستان ده بيبنك ارفع كمان بسبب ضهره اللى على ستايل الكورسيه و ده بيشد ترهلات الجسم و بيرفع، اما الجيبونة  نفشتها متوسطة علشان تجمل الـ curves بتاعتك وفى نفس الوقت متضايقكيش فى الحركة.

فستان mermaid بفتحة صدر على شكل sweetheart

19- فستان بنقشات بسيطة : 

الستايل ده من الفساتين هيبقى مفضل ليكى لو كنتى من اصحاب الشخصيات الهادية لانه الفستان ده رقيق من غير تفاصيل كتيرة الا خطين من التطريز بالكريستالات او الورود واحد على خط الرقبة والتانى على منطقة الوسط بجيبة كلاسيك بتنيات علشان تدي الجيبة شكل واسع ومنفوش رقيق من تحت، الجيبونة اللى بيوصل طولها للارض بالنفشة الرقيقة هتفردك وتبينك اطول، الستايل الرقيق ده بيعتبر واحد من اكتر فستان فرح للـ plus size  بيعتبر stylish .

فستان بنقشات بسيطة

20- فستان بفتحة V كبيرة :

الفستان ده من خامة الشيفون او الحرير  فى البطانة ومن فوق طبقة من الجبير بفتحة صدر على شكل حرف V كبيرة او عميقة، والحمالات عريضة من غير اكمام. الجزء اللى فوق من الفستان مجسم لحد خط الوسط وبعد كده نازل بجيبونة بتوسع تدريجيا بيوصل طولها لحد الارض من قدام ومن ورا ديل واسع، الشكل الـ slim للفستان هيخليكى تبانى ارفع ويديكى الفرصة تبانى متألقة فى ليلة العمر.

فستان بفتحة V كبيرة

21- فستان بحمالة عريضة :

الفستان ده بحمالة عريضة من غير اكمام على ستايل العصر الفيكتورى بتفاصيله و تطريزه الجرئ، الفستان مجسم على طول الجسم و بينتهى بديل مدور واسع على الارض، التطريز على طول الفستان من قماشة الجبير المبطنة بالستان و تصميمه الكلاسيكى بيديله وقار ويخلى شكله اليجانت، لو بتحبى فساتين الافراح التقليدية يبقى الفستان ده هو الاختيار المناسب.

فستان بحمالة عريضة

22- فستان بستايل TRUMPET LACE :

فستان مميز ومختلف جدا عن اى ستايل فستان تانى ممكن نشوفه،وده لانه تفاصيله مختلفة وغريبة عن اللى احنا متعودين عليه وتحسيه شبه الفساتين اللى بنشوفها على غلاف المجلات المشهورة، الستايلات الغريبة دى بيعتمد عليها اكتر النجمات لانها بتبقى مختلفة وبتجذب الانتباه ليهم، فلو كنتى من العرايس اللى بتحب تبقى مختلفة

وتخطف الانظار يبقى اختارى الفستان ده بستايل trumpet lace فى يومك المهم، خط الرقبة او الـ neckline فى تصميم الفستان ده بيعزز من شكل الرقبة و بيخلى منطقة الصدر تبان اصغر،  خامة الستان اللى معمول منها الفستان بتعمل لمسة elegance خصوصا مع شكل الفستان من فوق اللى مصمم على 3 طبقات، اما الجزء اللى تحت من الفستان او الجيبونة فتصميمها المفتوح  بديل واسع هتخلى شكلك يبقى مميز اكتر واكتر.

فستان بستايل TRUMPET LACE

23- فستان ستان بصدر كب :

الفستان ده بيعتبر من الفساتين اللى تفاصيلها كتيرة و ظاهرة اوى ، ومناسب تماما ليكى لو كنتى من الشخصيات المرحة وبتحب التفاصيل الغنية و الظاهرة، الفستان ديله عامل زى الموج وده هيخلى شكله جذاب ومميز على جسمك لانه هيبرز الـ curves عندك ويجملها بشكل حلو، الصدر الكب هيحدد منطقة الصدر عندك ويبينها اصغر، اما قماش الضهر المصنوع من الجبير هيضيف لمسة أناقة للفستان. قماش الستان اللى معمول منه الفستان هيخليه يبان اليجانت وهيضيف للوك بتاعك لمسة من الجاذبيه خصوصا انه الستان من الخامات اللى بتندمج حلو اوى مع الجبير وهيخلى اللوك بتاعك فريد ومختلف.

فستان ستان بصدر كب

24 – فستان بلونين :

ممكن كمان تدخلى تفصيلة جديدة فى فستان فرحك وهى انك تلبسي فستان بلونين علشان تعملى لوك بشخصية ليكى لوحدك، الستايل ده مناسب للبنات اللى شخصيتهم مرنة وجريئة لانه مش قرار سهل انه تدخلى لون تانى مع لون فستان الفرح الابيض التقليدى، الـ curves فى الفستان ده و الضهر على شكل الكورسيه هتخليه يناسب تفاصيل جسمك و يديها شكل احلى، والتصميم ده بيعتبر مثال على الاسلوب المعاصر فى تصميم الفساتين فبيديكى لوك modern و مختلف، التطريز الرقيق اللى بيبدأ من بداية ضهر الفستان  بينتهى مع الديل كمان بيدى تفصيلة حلوة ورقيقة للفستان تناسب جو يومك المهم.

فستان بلونين

25- فستان بطول الركبة :

آخر ستايل معانا النهاردة  من ستايلات فستان فرح للـ plus size  هو الفستان لحد الركبة، الستايل ده بيساعدك تعملى لوك fashionable  لانه بيديكى لوك slim وبيخليكى تبانى ارفع وتبينى جمالك، جربى تلبسي فستان بطول الركبة من الستان او الشيفون وعليه طبقة من الجبير على طول الفستان او لحد الصدر و بأكمام قصيرة زى الصورة،اما الوسط فممكن تحدديه بشريط من الستان.

فستان بطول الركبة

شوفى كمان افضل اكسسوارات شعر ليوم فرحك لكل طول شعر .



لا تنسى تقييم الموضوع

القسم : مرأة وموضة

المصدر : ÈäÇÊ ÍæÇÁ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا