المحتوى الرئيسى

اعملي بنفسك سبراي حامي من الحرارة للشعر بمكونات طبيعية


ممكن يكون في كتير مننا سمع عن سبراي حامي من الحرارة للشعر, لكن اللي لسه مسمعش عنه او ميعرفهوش هو بيبقى عبارة عن سبراي بيترش قبل ما تعملي شعرك بالمكوى او بالسيشوار عشان تحميه من حرارتهم اللي ممكن تضر شعرك وبتسبب في تقصفة وتلفه وبتخليه جاف, والسبراي مش بس بيحمي من حرارة المكوى والسيشوار لا كمان بيحمي الشعر من اشعة الشمس, بالاضافة انه كمان بيديه لمعة حلوة ونعومة, ومالهوش اي اثار جانبية على الشعر, والنهاردة جايبين لكل بنات حوا طرق لعمل سبراي حامي من الحرارة للشعر بمكونات طبيعية.

طرق لعمل سبراي حامي من الحرارة للشعر بمكونات طبيعية:

1- سبراي زيت جوز الهند وزيت اللوز:


المكونات:
  • – زيت جوز الهند.

– زيت لوز حلو.
  • – بلسم شعر “اي نوع من اختيارك”.

– 250 ملل مية.
  • – ازازة ببخاخ.

الطريقة:
1- اول حاجة هاتي الازازة اللي ببخاخ وصبي فيها 200 ملل مية.
2- ضيفي عليها من 2 – 4 نقط من زيت جوز الهند, ومن 4 – 5 نقط زيت لوز.
3- اختاري نوع بلسم الشعر المناسب ليكي وضيفي منه على الخليط كمية بسيطة بحجم حبة العنب كده.
4- ممكن تضيفي انواع زيوت تانية لو حابه زي زيت الارجان او زيت اللافندر او اكليل الجبل حطي منهم من 2 – 3 نقط بس متزوديش عن كده عشان ميخليش الشعر ملزق او فيه زيوت زيادة.
5- ضيفي باقي كمية المية اللي 50 ملل واقفلي الازازة ورجيها كويس عشان تخلطي كل المكونات مع بعض. سبراي حامي من الحرارة للشعرسبراي حامي من الحرارة للشعر
وكده يبقى السبراي بتاعنا جاهز تقدري تستخدميه على الشعر قبل المكوى او السيشوار, رشي منه على الشعر على مسافة 10 سم تقريبا ووزعيه على الشعر بصوابعك وانتي بترشيه, ومترشيش كمية كبيرة وتخلي الشعر رطب اوي كمية بسيطة هتكون كافية جدا ولو شعرك كثيف اوي كفاية من 2 -3 رشات, وبعد ما ترشية خليه ينشف شوية قبل استخدام الحرارة وبعد كده استخدميها عادي. سبراي حامي من الحرارة للشعرسبراي حامي من الحرارة للشعر

2- زيت بذور العنب:


زيت بذور العنب من انواع الزيوت الفعالة جدا في حماية الشعر من الحرارة, قبل ما تستخدمي المكوى او السيشوار ادهني الشعر بكمية بسيطة من زيت بذور العنب, هيحمي الشعر وهيديه لمعة وملمس ناعم. سبراي حامي من الحرارة للشعرسبراي حامي من الحرارة للشعر

3- زيت الارجان:


زيت الارجان من الزيوت اللي ليه فوايد كتير جدا للشعر وواحدة من الفوايد دي هو انه بيحمي الشعر من الحرارة لانه غني جدا بالاحماض الدهنية الاوميجا 3 و 6 والاحماض الدهنية, وفيتامين E, ادهني الشعر قبل استخدام الحرارة, وحتى لو مش هتستخدمي حرارة على الشعر لازم تدخلي زيت الارجان في روتينك اليومي للعناية بالشعر لانه مفيد جدا لصحة الشعر. سبراي حامي من الحرارة للشعرسبراي حامي من الحرارة للشعر

4- زيت جوز الهند:


زيت جوز الهند كمان من الزيوت اللي يعتبر حامي طبيعي من الحرارة, ده غير ان ليه فوايد كتير للشعر لانه غني بالخصائص المضادة للميكروبات, وبيساعد على ترطيب الشعر, وبيعالج قشرة الشعر, وبيساعد في علاج تلف الشعر وبيخليه ينمو بشكل اقوى وصحي اكتر, وبنفس طريقة الزيوت اللي فاتت هندهن كمية بسيطة على الشعر قبل استخدام الحرارة.
كمان زيت جوز الهند مفيد جدا في حماية الشعر من اشعة الشمس اللي ممكن تسبب جفاف وتلف الشعر لانه سميك وبيعمل طبقة عازلة على الشعر وليه قدرة كبيرة في الحفاظ على رطوبة شعرك, عشان كده يعتبر من المنتجات اللي لازم متستغنيش عنها لو هتعرضي شعرك للشمس. سبراي حامي من الحرارة للشعرسبراي حامي من الحرارة للشعر

5- زيت الافوكادو:


زيت الافوكادو يعتبر من الزيوت اللي بتحمي الشعر بنسبة 100% من الحرارة ويعتبر واقي طبيعي للشعر من اشعة الشمس, ممكن تستخدميه لوحده او تخلطيه مع زيت الارجان او زيت بذور العنب. سبراي حامي من الحرارة للشعرسبراي حامي من الحرارة للشعر

6- زبدة الشيا:


زبدة الشيا كمان واحدة من المكونات الطبيعية اللي بتحمي الشعر من الحرارة, وهنلاقيها اصلا داخلة في معظم انواع السبراي الحامي من الحرارة اللي بتتباع في السوق. سبراي حامي من الحرارة للشعرسبراي حامي من الحرارة للشعر

7- زيت عباد الشمس:


هنا الجديد والمفاجأة ان زيت عباد الشمس اللي بيستخدم في الاكل مفيد للشعر وكمان هنلاقيه مكون اساسي في كتير من منتجات العناية بالشعر, ويعتبر حامي طبيعي للشعر من الحرارة. سبراي حامي من الحرارة للشعرسبراي حامي من الحرارة للشعر

8- زيت الزيتون:


زيت الزيتون من انواع الزيوت المعروف فوايدة الكتير للشعر, لكن كمان واحدة من فوايده اللي منعرفهاش انه حامي طبيعي من الحرارة وبيدي نتايج هايلة جدا على الشعر. سبراي حامي من الحرارة للشعرسبراي حامي من الحرارة للشعر

9- زيت المكاديميا:


زيت المكاديميا يعتبر من الزيوت المغذية والمرطبة للشعر, وحامي طبيعي من الحرارة وبيحميه من اشعة الشمس, كمان ليه ميزة هايلة جدا انه بيساعد على تجفيف الشعر بشكل اسرع يعني هتاخدي وقت اقل في استخدام السيشوار او المكوى.
والزيت ده مش بس مفيد للشعر كمان ليه فوايد للبشرة والضوافر عشان كده حاولي تدخليه في روتين العناية اليومي الخاص بيكي. سبراي حامي من الحرارة للشعرسبراي حامي من الحرارة للشعر

طريقة عمل سبراي لعلاج الشعر الجاف في البيت بخطوات سهلة وبسيطة

اعرفى معانا طريقة عمل سبراى للشعر الجاف فى البيت بخطوات سهلة و بسيطةاعرفى معانا طريقة عمل سبراى للشعر الجاف فى البيت بخطوات سهلة و بسيطة


لا تنسى تقييم الموضوع

القسم : اصنعها بنفسك

المصدر : بنات حواء

قد يعجبك أيضاً

اضف تعليق