المحتوى الرئيسى

15 حيلة رائعة هتسهل عليكي شغل المطبخ

شغل المطبخ من الحاجات المتعبة جدا اللي مش بتخلص وبتحتاج مجهود ودايما بنحاول ندور على الحاجات اللي ممكن تسهل علينا وتوفر لنا في الوقت والمجهود, واحنا النهاردة هنساعدكم في المهمة دي وجايبين لكم مجموعة حيل هتسهل عليكي شغل المطبخ وهتخليكي تخلصيه بأسرع وقت واقل مجهود.

حيل هتسهل عليكي شغل المطبخ:

1- حافظي على الموز فريش:

من المشاكل اللي دايما بتقابلنا لما بنشتري موز ان عمره بيبقى قصير اوي وبيستوي بسرعة ولونه بيسود وبيبوظ, وعشان نحافظ عليه فترة اطول هنعمل حيلة بسيطة جدا اننا هنلف الموز من فوق بغلاف بلاستيك من اللي بنستخدمه في حفظ الاكل الطريقة دي هتحافظ على الموز سليم لفترة اطول ومش هتخلي لونه يسود لان الغلاف البلاستيك هيحافظ على الرطوبة الطبيعية اللي لزماه.

حافظي على الموز فريشحافظي على الموز فريش

2- حافظي على البصل:

البصل تقريبا مش بنستغنى عنه في كل اكلاتنا بس ساعات مثلا مش بنبقى محتاجين بصلة كاملة في الاكلة او تكون البصلة كبيرة وبنبقى محتاجين جزء منها بس فبنقطعها ونشيل الباقي في التلاجة لكن المشكلة ان طعمها وريحتها بيتغير وبتبوظ لكن عشان تتفادي المشكلة دي ادهني نص البصلة من الناحية المقطوعة بالزبدة وحطيها في كيس بلاستيك وشيليها في التلاجة هتحافظ على طعمها وريحتها.

حافظي على البصلحافظي على البصل

3- حافظي على الافوكادو:

لو عندك نص ثمرة افوكادو مقطوعة وعايزة تحطيها في التلاجة بس في نفس الوقت تحتفظي بطعمها ولونها زي ما هو حطيها في طبق وحطي معاها ربع بصلة مقطوعة البصل هيساعد على منع الاكسدة وهتحافظ على لونها وطعمها مش هيتغير.

حافظي على الافوكادوحافظي على الافوكادو

4- كسر جوز الهند:

كلنا عارفين جوز الهند بتبقى القشرة بتاعتها ناشفة جدا وصعبة تكسيرها, بس في طريقة سهلة ممكن تكسريها بيها الاول اعملي فتحة صغيرة فيها نزلي منها المية بتاعتها وبعدين سخني الفرن وحطي فيه جوز الهند لمدة من 10 – 15 دقيقة وبعدين طلعيها هتلاقي القشرة اتكسرت معاكي بسهولة وجوز الهند من جوه طلع معاكي سليم بسهولة.

كسر جوز الهندكسر جوز الهند

5- احمي المطبخ من المضرب الكهربائي:

لما بنيجي نضرب اي حاجة بالمضرب الكهربا دي بتبقى حاجة من الكوارث اللي بتحصل في المطبخ لانه بيبهدلنا وبيبهدل المطبخ كله, وعشان نتفادى المشكلة دي استخدمي طبق من الاطباق الفل او الورق حطيها في المضرب عشان تتفادي اي حاجة وتحافظي على مطبخك نضيف.

احمي المطبخ من المضرب الكهربائياحمي المطبخ من المضرب الكهربائي

6- الملح الزيادة في الاكل:

كتير بيحصل معانا ان ممكن الملح يزيد معانا في الاكل شوية ودي بتبقى مشكلة بس اكيد مش هنرمي الاكل احنا ممكن نحلها بحيلة بسيطة وسريعة حطي شريحتين بطاطس او باذنجان مع الاكل وسيبيها تغلي لمدة 10 دقايق هتمتص الملح الزيادة من الاكل.

الملح الزيادة في الاكلالملح الزيادة في الاكل

7- حافظي على الخضرة طازة:

لو محتفظة باي خضرة عندك في التلاجة وعايزاها تقعد معاكي فترة طويلة فريش من غير ما تدبل, حطي الخضرة طبقات في علبة بلاستيك وافصلي بينهم بمناديل ورق الحيلة دي هتساعدك انك تحتفظي بالخضرة طازة زي ما هي.

حافظي على الخضرة طازةحافظي على الخضرة طازة

8- بشر الشوكولاتة:

لو بتعملي كيك او اي نوع حلويات ومحتاجة شوكولاتة مبشورة للتزيين وعايزاها تطلع بشكل حلو زي المحلات بالظبط استخدمي مقشرة البطاطس ابشري بيها الشوكولاتة.

بشر الشوكولاتةبشر الشوكولاتة

9- تقطيع الفراخ:

لو عايزة تقطعي الفراخ قطع صغيرة بدل ما تقطعيها بايدك وتاخدي وقت كتير ومجهود حطيها في الميكسر وركبي الدراع المفرودة وشغليها على اقل سرعة هتقطع لك الفراخ في ثواني من غير وقت ولا مجهود.

تقطيع الفراختقطيع الفراخ

10- اعملي حبوب مقرمشة للفطار:

لو في الفطار عايزة تاكلي وجبة لذيذة مقرمشة اي نوع حبوب او كورن فيليكس هاتيه وحطيه في صينية على ورق زبدة او فويل وحطيه لمدة من 10 – 15 دقيقة وبعدين طلعيه هتلاقيه مقرمش وطعمه لذيذ جدا ضيفي عليه اللبن واي اضافات انتي عايزاها.

اعملي حبوب مقرمشة للفطاراعملي حبوب مقرمشة للفطار

11- اعرفي البيض طازة ولا لا:

حطي البيض في كوباية او طبق فيها مية لو البيضة نزلت تحت للقاع تبقى فريش ولسه جديدة, لو وقفت في النص وملمستش القاع تبقى بردو لسه جديدة, لو البيضة طفت على المية من فوق كده تبقى مش طازة وبايظة واتخلصي منها.

اعرفي البيض طازة ولا لااعرفي البيض طازة ولا لا

12- تنضيف المشروم:

المشروم من انواع الاكل اللي لو اتغسلت تحت مية جارية بتفقد جزء كبير من قيمتها الغذائية ومن نكهتها لان قشرتها خفيفة جدا وسهل اي حاجة تدخل جواها بسهولة, عشان كده احسن طريقة لتنضيفة بفرشة ناعمة ومناديل ورق مبلولة امسحيها بالمناديل وافركيها بالراحة بالفرشة.

تنضيف المشرومتنضيف المشروم

13- ازالة الدهون من الحلل والطاسات:

اخلطي كمية من الخل الابيض مع المية وحطي الخليط في الحلة او الطاسة اللي فيها دهون صعبة وعايزة تنضفيها وسيبيها تغلي على النار لمدة دقايق وبعدين سيبيها تبرد خالص واغسليها بصابون غسيل الاطباق السايل والمية بالطريقة العادية هتلاقي الدهون طلعت بسهولة جدا وبتلمع.

ازالة الدهون من الحلل والطاساتازالة الدهون من الحلل والطاسات

14- سيحي الجبنة بسهولة:

لو بتعملي هامبورجر او اي نوع لحوم  مستخدمة فيها شرايح جبنة وعايزاها تسيح كويس وبسرعة, لما اللحمة تستوي خالص حطي شريحة الجبنة فوقيها وحطي شوية مية في الطاسة وغطيها هتلاقي الجبنة ساحت في ثواني.

سيحي الجبنة بسهولةسيحي الجبنة بسهولة

15- امنعي دموع البصل:

دموع البصل من الحاجات اللي بتقابلنا على طول ومش بنعرف نعمل فيها ايه, لكن من النهاردة مافيش دموع مع الحيلة دي قبل ما تبدأي تقطعي البصل رشي شوية عصير ليمون على لوح التقطيع والسكينة اللي هتقطعي بيها, ريحة الليمون هتساعد انها تغطي على ريحة البصل النفاذة اللي بتسبب الدموع.

امنعي دموع البصلامنعي دموع البصل

11 حيلة مدهشة للطبخ ميعرفهمش غير المحترفين !

حيل للطبخ ميعرفهمش غير المحترفينحيل للطبخ ميعرفهمش غير المحترفين


لا تنسى تقييم الموضوع

القسم : طبخ

المصدر : ÈäÇÊ ÍæÇÁ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا