المحتوى الرئيسى

هشام جمال اسم ارتبطت به جملة ملايين المشاهدات

 بما إني عاشقة لـ دنيا سمير غانم فبالتالي متابعة ممتازة لكل أعمالها ومن فترة كده تقرب من حوالي ثلاث سنين فاتوا؛ دنيا بقت أول ما يظهر أي عمل ليها يظهر تحته إنتاج شركة روزناما هشام جمال، ومع استمرار دنيا بالتعامل مع تلك الشركة فبالتالي بقى من المعروف إن روزناما وهشام جمال ودنيا أسماء تظهر معاً، وعادي يعني من المتوقع أن يكون هشام جمال ده منتج شاطر صنع اسمه في وقت قصير عادي!عمل أغاني لـ: دنيا طبعاً، ومحمد حماقي، وأنغام، وتامر حسني، وفرقة بوي باند، ومسلسلات.وفي الفترة نفسها كنت بسمع بعض الأغاني للفرقة الشبابية المعروفة بوي باند، وفي شاب صغير كده يعتبر قائد الفرقة اسمه هشام، تمام عادي!فمن سنة كده أصبحت الأسماء دي بتتكرر سوا: دنيا، روزناما هشام جمال، بوي باند.من فترة كده لما اتكررت الحكاية دي كتير كان عندي فضول شديد إني أعرف مين هشام جمال ده!

هشام جمالTwitter / Hisham Gamalواكتشفت إنه هشام جمال قائد فرقة بوي باند؛ هو صاحب شركة روزناما.وأرجع أربط كل الأحداث مع بعض لأعرف بعدها إن هشام جمال:- درس بيزنس في إسبانيا. - أسس شركة روزناما ريكوردز وعمره ما بين الـ 16 و 18 سنة. - كان هو أول حد يعمل فكرة إن الأغاني تنزل على يوتيوب منعاً لحدوث الموقف العظيم اللي بيحصل في أي ألبوم قبل ما ينزل وهو التسريب، وبالتالي خسارة الألبوم لما ينزل، واللي برضه محدش من اللي سنهم كبير وخبرتهم عظيمة عملوا الفكرة دي قبله. 

www.youtube.com- حقق نجاح كبير أوي بعد ما دنيا سمير غانم تصدرت المركز الثالث عالمياً على يوتيوب من حيث الأكثر استماعاً عن أغنية قصة شتا.- ومؤخراً هو اسم ارتبطت بيه جملة: "تتعدى المليون مشاهدة"، في وقت لم يحدث فيه شيء كهذا قط.- ثم توالت إصدارات الأغاني لأشهر المطربين في الوقت اللي مكنش أي حد فيهم يقدر يتعامل مع شركة إنتاج أقل من روتانا أو ما شابه‍ها.- وفيما بعد بدأ في المشاركة في إنتاج المسلسلات الرمضانية زي لهفة وآخرها كان نيللي وشريهان. 

www.youtube.comوأيضاً هو كان صاحب فكرة أغنية أول مرة، وهي الدويتو الأشهر في الفترة الأخيرة ما بين دنيا سمير غانم والنجم محمد حماقي واللي تعدت فيه نسب المشاهدة على يوتيوب العشرة مليون. 

www.youtube.com- وأخيراً وليس آخراً أتحفنا بلوحة فنية كبيرة وفيها ناس كتير أوي وهي أغنية ارسم قلب لمؤسسة الدكتور مجدي يعقوب.وبكده قصة نجاح شاب زي ده لسه مكملش الـ 20 على حد معلوماتي مينفعش نعديها كده بالساهل، لأن كتير جداً ميعرفوهاش هشام جمال دلوقتي أصبح من أهم المنتجين، الكاتبين، والملحنين، وأيضاً المغنين؛ حتى لو هنختلف على قدر وحجم موهبته في الغناء، لكن هو من قصص النجاح اللي استوقفتني جداً ومينفعش تمر من قدامك كده مرور الكرام، لأن هشام جمال شاب يرتبط باسمه ملايين المشاهدات.


لا تنسى تقييم الموضوع

القسم : المشاهير والفن

المصدر : ßÓÑÉ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا