هدخل في الموضوع على طول، أنا النهارده هتكلم عن مهنة السايس، الظاهرة اللي لو مكنتش بتعاني منها تبقى مسوقتش في مصر، ولا ركنت فيها، ولا شربت من نيلها ولا جربت تغنيلها!
أصل كلمة السايس: مصطلح كان بيتقال في مصر زمان على العامل المسؤول عن رعاية الخيل والحمير، وبعدين إتطور وبقى بيتقال للعامل المكلف بأنه يجيب ويودي الطلبات، أما دلوقتي ولسوء الحظ كلمة سايس بقت بتتقال على الشخص اللي المرحوم أبوه كتب الشارع بإسمه قبل ما يموت!
Wikipediaالسايس كائن منتشر في كل الشوارع المصرية، المفروض بغرض إنه يساعد الناس على ركن عربياتهم جنب الرصيف ويحافظ عليها في فترة غيابهم، وده للأسف مبيحصلش في معظم الأحيان، أنا نص خبطات عربيتي سببها توجيهات البيه السايس!
السايس، ظاهرة مصرية بامتياز، ظاهرة ملهاش مثيل في العالم كله على حد علمي، نظام كامل للسيطرة بوضع اليد، سيطرة السايس على الأرض، وسيطرته على المواطن إنه يدفعله حتى لو مقامش بأي دور، لأن في الغالب مش بتلاقي السايس وإنت بتركن عربيتك، لكنه طبعاً بيفاجأك بوجوده لما ترجع وبيطلب منك مقابل طلته البهية عليك.
في الغالب المواطن بيبرر ده لنفسه إنها إكرامية أو مساعدة لشخص غلبان بيسترزق، بس للأسف مش كل سايس غلبان، وده بحسب وقائع لحوادث كتير كان السايس طرف فيها، ده غير إن مجرد عدم استجابتك لطلب السايس إنك تديه مبلغ معين، كفيل إنه يعرضك للاعتداء، قابل بقى تخبيط وترزيع في العربية، وطبعاً حرمان من الركن في المنطقة دى تاني وإلا عربيتك هتدشدش!
كيف تصبح سايس في 3 خطوات
Meme Dad
1- اشتري صفارة، وكاب، وفوطة للتلميع -لا تستخدم طبعاً- وعلق شارة معدن قال يعني "نيم تاج" واكتب عليها أي حاجة بالهيروغليفي، كدليل إنك بتشتغل رسمي.
2- أحياناً بيكون مرافق لكل سايس كلب بلدي جربان، معرفش ليه الحقيقة، وأعتقد فايدته إن الواحد يضطر ينده للسايس عشان يهشُّه ويعرف يركب عربيته بسلام، وبكده بيحس السايس إنه قام بعمل بطولي يستاهل عليه إنك تدفعله أكتر!
3- أخيراً نشّن على أي حتة أرض وتملكها بعقد شفوي بينك وبين نفسك، وبكده إنت جاهز للعمل، على بركة الله، انطلق يا معلم!
Meme Dad
1- التمتع بكم لا بأس به من التناحة، على قد ما تقدر. شاهد هذا الفيديو التمثيلي الساخر، يظهر فيه سايس متمتع بمقومات العمل!
youtu.be
2- مهارة عالية وكفاءة في رفع المساحات كدلالة إن العربيات دي تبعك، وكأداه لتعطيل الزبون عشان عقبال متنزل المساحات تكون إنت ظهرت.
3- إجادة كلمة واحدة باللغة الانجليزية، كلمة Parking والقدرة على نطقها بتحريفاتها المعروفة، بتتنطق باركين على وزن إركن!
4- قدرة خارقة على الوصول إلى عربية المواطن في الوقت المحدد، اللي هو يا إما بعد ما نطلع من الركنة بدون مساعدتهم بثانية واحدة أو مباشرة بعد ما نعافر وننجح بمجهودنا إننا نحشر نفسنا بين عربيتين في ركنة ضيقة!
وبكده نكون عرفنا بداية ظهور مصطلح السايس في مصر وإزاي إتطور، وكمان الخطوات والمهارات المطلوبة عشان اللي حابب يعمل كاريير شيفت! إستنوني قريباً في الجزء التاني من المقال اللى هتكلم فيه عن أنواع السايس المختلفة اللي بنقابلها في حياتنا اليومية ومواقفي الشخصية العجيبة اللي صادفتها، هنفضفض ونضحك على معاناتنا اليومية معاهم، ونحاول ندور على حلول سوا.
YouTube / 2lsh Online
سايس مصري عام 1906
Wikipediaالسايس كائن منتشر في كل الشوارع المصرية، المفروض بغرض إنه يساعد الناس على ركن عربياتهم جنب الرصيف ويحافظ عليها في فترة غيابهم، وده للأسف مبيحصلش في معظم الأحيان، أنا نص خبطات عربيتي سببها توجيهات البيه السايس!
السايس، ظاهرة مصرية بامتياز، ظاهرة ملهاش مثيل في العالم كله على حد علمي، نظام كامل للسيطرة بوضع اليد، سيطرة السايس على الأرض، وسيطرته على المواطن إنه يدفعله حتى لو مقامش بأي دور، لأن في الغالب مش بتلاقي السايس وإنت بتركن عربيتك، لكنه طبعاً بيفاجأك بوجوده لما ترجع وبيطلب منك مقابل طلته البهية عليك.
في الغالب المواطن بيبرر ده لنفسه إنها إكرامية أو مساعدة لشخص غلبان بيسترزق، بس للأسف مش كل سايس غلبان، وده بحسب وقائع لحوادث كتير كان السايس طرف فيها، ده غير إن مجرد عدم استجابتك لطلب السايس إنك تديه مبلغ معين، كفيل إنه يعرضك للاعتداء، قابل بقى تخبيط وترزيع في العربية، وطبعاً حرمان من الركن في المنطقة دى تاني وإلا عربيتك هتدشدش!
كيف تصبح سايس في 3 خطوات
Meme Dad
1- اشتري صفارة، وكاب، وفوطة للتلميع -لا تستخدم طبعاً- وعلق شارة معدن قال يعني "نيم تاج" واكتب عليها أي حاجة بالهيروغليفي، كدليل إنك بتشتغل رسمي.
2- أحياناً بيكون مرافق لكل سايس كلب بلدي جربان، معرفش ليه الحقيقة، وأعتقد فايدته إن الواحد يضطر ينده للسايس عشان يهشُّه ويعرف يركب عربيته بسلام، وبكده بيحس السايس إنه قام بعمل بطولي يستاهل عليه إنك تدفعله أكتر!
3- أخيراً نشّن على أي حتة أرض وتملكها بعقد شفوي بينك وبين نفسك، وبكده إنت جاهز للعمل، على بركة الله، انطلق يا معلم!
قدرات ومهارات إضافية مؤهلة للعمل
Meme Dad
1- التمتع بكم لا بأس به من التناحة، على قد ما تقدر. شاهد هذا الفيديو التمثيلي الساخر، يظهر فيه سايس متمتع بمقومات العمل!
youtu.be
2- مهارة عالية وكفاءة في رفع المساحات كدلالة إن العربيات دي تبعك، وكأداه لتعطيل الزبون عشان عقبال متنزل المساحات تكون إنت ظهرت.
3- إجادة كلمة واحدة باللغة الانجليزية، كلمة Parking والقدرة على نطقها بتحريفاتها المعروفة، بتتنطق باركين على وزن إركن!
4- قدرة خارقة على الوصول إلى عربية المواطن في الوقت المحدد، اللي هو يا إما بعد ما نطلع من الركنة بدون مساعدتهم بثانية واحدة أو مباشرة بعد ما نعافر وننجح بمجهودنا إننا نحشر نفسنا بين عربيتين في ركنة ضيقة!
وبكده نكون عرفنا بداية ظهور مصطلح السايس في مصر وإزاي إتطور، وكمان الخطوات والمهارات المطلوبة عشان اللي حابب يعمل كاريير شيفت! إستنوني قريباً في الجزء التاني من المقال اللى هتكلم فيه عن أنواع السايس المختلفة اللي بنقابلها في حياتنا اليومية ومواقفي الشخصية العجيبة اللي صادفتها، هنفضفض ونضحك على معاناتنا اليومية معاهم، ونحاول ندور على حلول سوا.وده شاب بيحتفل بأنه لقى مكان يركن فيه بأعجوبة قبل لحظات من انقضاض السايس عليه علشان يشاركه الاحتفال
YouTube / 2lsh Online
لا تنسى تقييم الموضوع
القسم : منوعات
المصدر : 
اضف تعليق