كلام العريس والعروسة في الفرح

كنت بحس إن كلام العريس والعريسة بيقولوا وهما بيرقصوا سلو من أسرار البشرية العظمى، زي سر أطلانتس والأزتيك، واكتشفت إن 99.9 نفسهم يعرفوا بيقولوا إيه! وبالنسبة للـ واحد من عشرة في المية دول متجوزيين أساساً.

Boda Total‎‏كنت فاكرة إن الموقف ده يمتلئ بالرومانسية الفرطة اللا متناهيبة وأغاني أخيراً لبستلك الأبيض، بس طلع الموضوع موسيقياً شبه اتدبست، وأنا كمان.صحابك حلوين أوي، أنا شكلي استعجلت. مين الموزة البنبيتي هناك دي.أوعي تدوسي ع الجزمة الملمعة؛ هفرج عليكي الفرح. الكعب هيموتني كان نفسي أحضر بكونفرس شكلي هقع. تمسكي يخرب بيتك كله بيتفرج علينا.بتعرفي تعملي بامية وملوخية أرانب عشان نفسي فيهم. أنا مجوع نفسي من أسبوع عشان بوفيه النهاردة. أنا لو مروحتش ملقتش حمام بالفريك هلم عليكو الناس. تعرفي الأغنية الشغالة دي؟لا. وأنت؟!لا. يا ريتهم شغلولنا مهرجان فرتكة فرتكة. أنت مشغلتليش ادخل يا شكوش يا جامد وأنا داخلة القاعة.أوعي مامتك تاخد التورتة كلها وهي مروحة. أوعي تدوسي على الفستان الجبونة مش مظبوطة وهنتفضح. أوعي أمك تاخد النقطة بعد الفرح هنعمل بيهم شهادات استثمار عشان العيال.أنتِ عارفة أنا دافع كام في القاعة دي! على الله يتمر.لو قالولك تغني إيه لعريسك ابقي غني آه يا واد يا حتة مني الحق عليه الحق عليه.شكلك حلو النهاردة فلوسي عاملة شغل.أهلك هينسفوا البوفيه. لبست الكرافت اللي اخترتيها مع إن ذوقك بيئة أوي.اتكلمي اتكلمي قولي أي حاجة كلهم دلوقتي هيموتوا ويعرفوا بنقول إيه. لما نروح اعمليلنا كشري وكبدة ونقعد نكلهم قدام التلفزيون.