المحتوى الرئيسى

7 صور تشرح لنا منطق القطط العجيب

الـ قطط كائنات محيرة للغاية، صعب إننا نفهمها بصراحة، ليها منطقها الخاص اللي تعجز عقولنا عن استيعابه. يبقى أكلها قدامها ومع ذلك تيجي تشمشم في أكلك، تجبلها كورة مخصوص، تسيبها وتروح تلعب في حاجتك، ده غير حاجات تانية كتير. يعني لو هي قاصدة تجنننا مش هتعمل فينا كده! موقع BrightSide نجح إنه يعرض لنا بالدليل القاطع منطق قططنا الغريب من خلال تلك الصور. ملحوظة: مع كل صورة رسائل خاصة من القط. يلا نشوف القط بيقولك إيه:

1- لو أنت فاكر كل ما تزعقلي لما أقعد على اللاب إني هكش وأخاف، يبقي متهيألك! أنا قط العند في دمي وأديني قاعدلك فوق الشاشة ذات نفسيها لما نشوف آخرتها معاك

2- أنا بحب المثل اللي بيقول: "كل اللي يعجبك والبس اللي يعجب الناس"، علشان كده أعطني حريتي اطلق يداي وسبني آكل بالطريقة اللي تعجبني

3- طول عمري بحب اتشقلب، وكان نفسي أبقى لاعبة باليه قد الدنيا، بس مفيش تقدير للمواهب في بلدنا دي، فبقيت أمارس هوايتي وأنا بشرب من الحنفية

4- أنا عارفة إنك زهقت علشان كل يوم بصطاد فيران، علشان كده قولت أبقى قط مجدد فاصطادلك البتاعة الصفراء دي اللي بتقولوا عليها اسفنجة، إلا هو يعني إيه اسفنجة؟!

5- لقيت عيالك بيلعبوا استغماية، فقلت ألعب معاهم. ها، قولي هو أنت شايفني وأنا مستخبي؟

6- أنت كبني آدم لازم تكون عارف إن الأكل بس هو اللي بيتحط في طبق، والماية تجبهالي في كوباية لو سمحت! مش معنى إني من فصيلة الـ قطط تعمل فيا كده!

7- إلا هو الشيء اللي بنام عليه ده متنجد بقطن ولا اسفنج؟ أصله مش مريح إطلاقاً بتاتاً يعني. رجعه وجبلي بداله شوية سمك أكله أحسن

لو أنت مصور قطط تصرفاتهم عجيبة صور زي دول، شاركها معانا وقولنا تفتكر هي بتقولك إيه؟


لا تنسى تقييم الموضوع

القسم : حيوانات

المصدر : كسرة

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا