بالهنا والشفا.. مطعم شعبي تايلاندي.. تجربة مختلفة
اشتهرت في مصر مؤخراً ثقافه الاختلاف في المطاعم و بقا عندنا مطاعم أسيويه كتير و كمان بقا فيها مستويات في الاول كان السائد مطاعم أسيويه راقية. بس دلوقتي ظهر مطاعم أسيويه شعبيه و ده ظهر بشكل ملحوظ في آخر السنين كتير في مصر صنيين منغوليين تاليندين و إندنوسيين و سيرلانكيين. وكل دول مطابخهم قريبه لبعض و كلها غنيه بالاكلات المختلفه فتحوا شباب كتير من اللي بيدرسوا أو بيتشغلوا هنا مطاعم صينيه شعبيه انتشرت وتكتلت في المعادي و مدينه نصر و حتت كتير تانيه النهارده كانت زيارتي لـ «المطعم التايلاندي»
مطعم شعبي تايلندي في الحي السابع بمدينه نصر بصيت في المنيو لقيت أسعاره معقوله جداً ولقيته زحمة ومعظمهم مش مصريين و في مصريين برضه و ده حبيته إنهم جايين يجبروا أكل جديد و كمان في مكان شعبي مش سهلة على أي مصري طلبت أطباق كتير أنا و اصحابي و تبادلنا الأطباق بس طلبنا كتير أوي مخلصناش الأكل.
فراخ بالكاري الأصفر فراخ بالكاري الأحمر فراخ بالتوم رز بالكاري و اللحمه رز باللحمه و الصويا رز بلدي باللحمه مكرونه سبايسي باللحمه سلطه بلدي شوربة سي فود
أحسن رز كان البلدي. طلبنا منه تاني و كلناه كلنا بنهم شديد عجبني جداً لأنه تحسه رز كدا محبش و حيريش طعمه شقي و مليان حجات خضار و بصل و توابل غني جداً أحسن فراخ الكاري الأصفر لأن الكاري الأحمر كان حراق شويتين و الشطه عند الناس دي مبتهزرش الكاري الأصفر طعمه كاري بجد مش زي الكاري الأي كلام اللي بيتباع هنا وكمان ماركات كبيره مبتكونش الطعم ده.
الشوربة أحلي حاجه في الدنيااا التوابل اللي فيها توابل تايلاندي بس مش من مصر كله من عندهم ولفيت ورق الليمون بتاعهم مش زي اللي عندنا عندهم شبهه ورق اللور وطعمه يجنن بيستخدموا كمان كتير البصل الأخضر و الكرفس و البصل طبعاً والخضار كير جداً و في كل حاجه و عندهم انواع عصير كتير. طلبنا ذرة بالحليب و ده افشخ عصيررر علي الاطلاق طعمه بجد تحفه
وهوا عباره عن سائل يشبهه الزيت و بيتحط عليه لب بودرة و سكر سائل غريب جداً الزيت ده بيبقي سخن وبيتحط عليه تلج في ثانيه بيسقع. طلبنا فراوله بالليمون ولبن صويا. معجبنيش الصنفين دول الذرة فشيخ وبـ ? جنيه
الأسعار فشيخه والأحجام عملاقة. أطباق الفراخ الصغيره بـ ?? و الكبيره ??. الرز باللحمه أو الفراخ من ?? لـ ??. الشوربه أغلي واحدة تكفي شخصين ب ?? جنيه. العصير ? جنيه. لو عايز تقعد في أوضه التكيف بتدفع ? جنيه بس :) بس تجربه لازم تخدوا و تتعرفوا علي الاكل الشعبي التايلندي علي أصوله عشان فعلاً فشيخ
مطعم نايل، الحي السابع، مدينه نصر
القسم : طبخ
اضف تعليق