بوكيهات ورد الافراح بتعتبر من اهم التفاصيل اللى لازم العروسة تهتم بيها فى اللوك بتاعها يوم فرحها، لانه بوكيه الورد بيبقى ملفت جدا للانظار وبيعتبر قطعة اساسية ومهمة جدا فى اللوك بتاعها، زيه زى الفستان والطرحة والمكياج بالضبط.

وعادة بوكيهات الافراح اللى بنشوفها بتقى تقليدية ومافيهاش اختلاف كتير، وبتبقى يا من الورد الاحمر او الابيض المحاط بورق اخضر صغير اوكبير. لكن علشان بنات حوا يهمها دايما انك تكونى مختلفة و فى احسن شكل، فى المقال ده بنات حوا هتعرفك على 24 فكرة مختلفة لتنسيق بوكيهات ورد الافراح اختارى منهم اللى يناسبك ليوم فرحك  وتنفذيه، علشان تبقى ملكة يوم فرحك.

بالصور : 24 فكرة مختلفة لتنسيق بوكيهات ورد الافراح اختارى منهم اللى يناسبك ليوم فرحك 

ملاحظة مهمة: انواع الورود اللى فى البوكيهات اللى هتشوفيها دلوقتى زى الـ LILy و الاوركيدا ممكن تكون غالية جدا او مش موجودة فى مصر، بس ده مش معناه انك ماتقدريش تنفذى البوكيهات دى. ممكن تختارى اكتر شكل عجبك وتنفذيه بنفس التنسيقات والالوان بأى نوع زهور تحبيه او يكون مناسب ليكى.

بوكيه الوردة الواحدة:

الفكرة فى البوكيه ده انه بدل ما يبقى بيتكون من ورود كتيرة ، يتعمل من وردة واحدة حجمها كبير وتكون باينة او مجموعة من الورود الصغيرة اوى اللى يبانوا مع بعض وكأنهم وردة واحدة.

بوكيهات زهرة الـ lily :

زهرة الـ lily أو الزنبق بتعتبر من الزهور اللى شكلها حلو جدا و ممن تلاقيها بسعر متوسط لكن برده مش رخيص اوى زى الزهور العادية، ميزتها انه الوانها مميزة وشكلها بيبقى حلو ومبهج جدا.

بوكيهات زهرة الاوركيدا :

زهرة الأوركيدا بتعبر من الزهور الرائعة الجمال، وسعرها بيكون غالى جدا و متوفر منها كل الوان قوس قزح تقريبا !

بوكيهات الاوركيدا بوكيهات الاوركيدا بوكيهات الاوركيدا بوكيهات الاوركيدا بوكيهات الاوركيدا

بوكيهات زهرة الماجنوليا الواحدة :

بتعتبر من احلى الزهور الموجودة فى العالم وريحتها نفاذة وحلوة جدا و بيستخرج منها اشهر ماركات العطور الفرنسية، بوكيه الورد من الزهرة دى اكيد هيبقى مختلف ومميز، ولانه سعرها غالى ، هتلاحظى انه بوكيه الماجنوليا بيتكون من زهرة ماجنوليا واحدة بس.

يلا قوليلنا ايه اكتر شكل بوكيه عجبك، و شوفى معانا كمان 8 اسئلة للـ wedding photographer الخاص بيكى لازم تسأليهم قبل فرحك