المحتوى الرئيسى

11 حيلة بمعلقة واحدة هتساعدك في تخسيس الوزن


لو بتدوري على طريقة لتخسيس وزنك بسرعة وبطريقة فعالة, النهاردة جايبين لكم حيل لتخسيس الوزن بمعلقة واحدة هتساعدك على السيطرة على الشهية وكمان هتوفر لجسمك المواد الغذائية اللي محتاجها وهتنعكس بشكل ايجابي على الصحة بشكل عام.

حيل لتخسيس الوزن بمعلقة واحدة:

1- معلقة واحدة من خل التفاح لدعم السكر في الدم:


خل التفاح من الحاجات المفيدة والفعالة اللي ممكن تساعدنا على انقاص الوزن, ضيفي معلقة واحدة من خل التفاح لكوباية مية واشربيها يوميا بتساعد على تخسيس الوزن وكمان بتحافظ على مستويات السكر في الدم مستقرة, لانه بيراقب نسبة السكر في الدم او على الاقل بيسيطر عليها في اوقات الاكل ووجباتك, ويعتبر وسيلة ممتازة جدا لتجنب الاسباب اللي ممكن تأدي لزيادة الوزن, عشان كده حاولي تخليه معلقة خل التفاح من روتينك اليومي. حيل لتخسيس الوزن بمعلقة واحدةحيل لتخسيس الوزن بمعلقة واحدة

2- معلقة واحدة من عسل النحل للانزيمات الهاضمة:


العسل غني جدا بالانزيمات والمواد المضادة للاكسدة اللي ليها تأثير ايجابي جدا على الجهاز الهضمي والجسم بشكل عام, لانها بتدعم الجهاز الهضمي والجسم ككل, والحفاظ على الجهاز الهضمي بشكل سليم هو واحدة من الاسباب الاساسية اللي ممكن تساعد على فقدان الوزن بدون اي مجهود منك, عشان كده حافظي على معلقة العسل في روتينك اليومي. حيل لتخسيس الوزن بمعلقة واحدةحيل لتخسيس الوزن بمعلقة واحدة

3- معلقة من زيت جوز الهند للسيطرة على الشهية:


زيت جوز الهند من انواع الزيوت المفيدة جدا اللي بتساعد على انقاص الوزن, وبمقارنته مع الزيوت التانية هنلاقي ان زيت جوز الهند بيحتوي على نسبة اعلى من الدهون المشبعة, وكمان الدهون الصحية, وبيحتوي على الاحماض الامينية اللي بتساعد انها تخليكي تحسي بشعور الشبع لما تيجي تاكلي, وبتزود من عملية التمثيل الغذائي وبالتالي ده هيأدي لحرق الدهون بشكل طبيعي.
ممكن تستخدميه في الاكل او تاخدي معلقة بشكل مباشر ما بين الوجبات عشان تسيطري على شهيتك. حيل لتخسيس الوزن بمعلقة واحدةحيل لتخسيس الوزن بمعلقة واحدة

4- معلقة من الجنزبيل للمساعدة في فقدان الدهون:


الجنزبيل واحد من اكتر التوابل اللي بتساعد على التخلص من الدهون على وجه التحديد مش بس الوزن الزايد الاجمالي في الجسم وده مهم جدا لما تيجي تخسي عشان تتأكدي انك بتتخلصي من الدهون مش بس من وزن المية او كتلة العضلات.
الجنزبيل بيشتغل بطريقتين اول واحدة انه بيساعد على تحسين عملية الهضم اللي دي لوحدها هتساعد على فقدان الوزن, والطريقة التانية انه الجنزبيل يعتبر منشط للايض او عملية التمثيل الغذائي وده معناه انك هتحرقي سعرات حرارية اكتر وبالتالي ده هيأدي لفقدان الوزن من غير اي مجهود.
ضيفي معلقة كبيرة او صغيرة من الجنزبيل المطحون على اي اكل بتعمليه, او على الشوربة, وممكن تعملي سموزي الجنزبيل وتشربيه, يعني اختاري اي طريقة عشان تضيفي معلقة الجنزبيل لروتينك اليومي. حيل لتخسيس الوزن بمعلقة واحدةحيل لتخسيس الوزن بمعلقة واحدة

5- معلقة من الزعتر لمضادات الاكسدة والفيتامينات:


الزعتر كمان من انواع التوابل اللي بتساعد جدا على فقدان الوزن, الزعتر غني جدا بالمواد المضادة للاكسدة والفيتامينات والمعادن اللي بتساعد على الحفاظ على خلايا الجسم محمية وقادرة على التعامل مع الضغوط اللي بدورها هتساعد على فقدان الوزن, كمان الزعتر مدر للبول وده هيخلص الجسم من المية الزيادة ويخلصك من وزن المية وهينضف الجسم من السموم.
ضيفي الزعتر كتوابل للاكل او لتتبيلة الفراخ او اللحمة يعني حاولي تضيفيه بشكل يومي لاكلك باي طريقة تحبيها. حيل لتخسيس الوزن بمعلقة واحدةحيل لتخسيس الوزن بمعلقة واحدة

6- معلقة واحدة من الكركم لمضادات الاكسدة:


الكركم من التوابل الغنية جدا بالمواد المضادة للاكسدة وبيساعد على حرق الدهون, وفعال جدا في انقاص الوزن, كمان بيعمل كمضاد للالتهابات.
واسهل طريقة عشان تضيفي الكركم ليومك انك تضيفيه لاكلاتك وفي تتبيل اللحوم والفراخ بيدي طعم لذيذ جدا للاكل, وممكن تشربي شاي الكركم .. ممكن تشوفوا طريقته من هنا خسي 5 كيلو في اسبوع واحد بشاي الكركم. حيل لتخسيس الوزن بمعلقة واحدةحيل لتخسيس الوزن بمعلقة واحدة

7- معلقة من بذور الكتان للاميجا 3:


بذور الكتان مش بس هتديكي احساس بالشبع كمان بيحتوي على مضادات الاكسدة والالياف اللي هتساعد على فقدان الوزن بشكل فعال, وبيحتوي على الاوميجا 3 اللي بيدي الجسم الطاقة المطلوبة, وبيعوض الجسم من نقص المواد الغذائية.
ممكن تحطي معلقة من بذور الكتان على السلطة, او للشوربة, او لاي مشروب سموزي عشان تديه فايدة اكبر من غير اي تغيير في النكهة او الطعم. حيل لتخسيس الوزن بمعلقة واحدةحيل لتخسيس الوزن بمعلقة واحدة

8- معلقة من القرفة للمعادن الاساسية والالياف:


القرفة مش بس نوع توابل بيدي طعم لذيذ للاكل والحلويات هي كمان تعتبر وسيلة ممتازة جدا لفقدان الوزن لو استخدميها في الوقت المناسب وبالطريقة الصح, القرفة بتحتوي على المعادن اللي بيحتاجها الجسم بشكل يومي, وتعتبر مصدر مذهل للالياف وبتدي الجسم احتياجه من الالياف اللي بيحتاجها في اليوم, ومعلقة من القرفة هتساعدك تحافظي على وزن صحي.
وافضل طريقة لاستخدام القرفة في انقاص الوزن هو مزيج القرفة والعسل, امزجي معلقة صغيرة من القرفة مع معلقة صغيرة من عسل النحل وضيفيها لكوباية مية سخنة وقلبيهم كويس واشربيها بشكل يومي في اي وقت خلال اليوم هتساعدك جدا على انقاص الوزن. حيل لتخسيس الوزن بمعلقة واحدةحيل لتخسيس الوزن بمعلقة واحدة

9- معلقة من عصير الليمون لدعم نظام المناعة:


عصير الليمون من الحاجات اللي بتساعد على فقدان الوزن وكمان تحسين المود, الليمون بيدعم نظام المناعة في الجسم وبيخليه يشتغل بشكل صحيح وده يعتبر المفتاح لفقدان الوزن, وبيحافظ على الصحة بشكل عام, وفيتامين سي اللي موجود في الليمون بيخلي الجسم يحرق الدهون بدل ما يخزنها.
اشربي كل يوم الصبح على الريق كوباية مية سخنة مضاف ليها معلقة من عصير الليمون, مش بس هتساعدك على انقاص الوزن, كمان هتحسن عملية الهضم وتخليكي تبدأي يومك بشكل صحي, وممكن تضيفي عصير الليمون للمية العادية اللي بتشربيها على مدار اليوم ده بيساعد على قلونة الجسم وبالتالي ده هيساعد على انقاص الوزن. حيل لتخسيس الوزن بمعلقة واحدةحيل لتخسيس الوزن بمعلقة واحدة

10- معلقة من الكاكاو الغامق لمضادات الاكسدة:


اكيد كتير مننا سمع عن فايدة الشوكولاتة الغامقة للجسم وانها غنية جدا بالمواد المضادة للاكسدة, كمان الكاكاو الغامق ليه نفس الفايدة, لانه بيحتوي على مادة البوليفينول اللي ليه تأثير ايجابي على عملية الهضم اللي بدوره بيحسن وظايف الجسم وبيخلص الجسم من الفضلات الزيادة المخزنة وبالتالي بيأدي لانقاص الوزن.
ممكن تعملي مشروب الكاكاو الداكن, او تضيفي مسحوق الكاكاو لاي نوع عصير مش لازم شوكولاتة ممكن تضيفيه لاي نكهة عشان تزودي فايدته وتضيفي له مواد مضادة للاكسدة وفي نفس الوقت تنقصي وزنك. حيل لتخسيس الوزن بمعلقة واحدةحيل لتخسيس الوزن بمعلقة واحدة

11- معلقة من الافوكادو المهروسة للدهون الصحية:


الافوكادو من الاكلات الفعالة جدا اللي ممكن تساعدك على انقاص الوزن بشكل سريع, الافوكادو غني جدا بالدهون الصحية اللي بتساعد على حرق الدهون, وتعتبر مصدر كبير جدا للبوتاسيوم وهو معدن مهم ليكي لو بتحاولي تخسي, كمان غني بالالياف اللي بيحتاجها الجسم بشكل يومي اللي بدورها هتساعدك على فقدان الوزن لان الجسم المفروض يحصل يوميا على الياف بنسبة من 25 – 35 جرام وممكن تزودي كمية الالياف ببطء بالتدريج بشكل يومي وهتلاحظي الفرق في فقدان الوزن.
ممكن تضيفي معلقة الافوكادو لاي عصير بتشربيه بشكل يومي, او تاكلية لوحده كوجبة خفيفة بين الوجبات, او تضيفيه للسلطة, او تاكلية كمقبلات مع الاكل, والاحسن تهرسيه عشان يتهضم اسهل واسرع. حيل لتخسيس الوزن بمعلقة واحدةحيل لتخسيس الوزن بمعلقة واحدة

10 حيل اكل بسيطة وفعالة هتخليكي تتحكمي في السعرات الحرارية وتخسي

حيل للتحكم في السعرات الحراريةحيل للتحكم في السعرات الحرارية


لا تنسى تقييم الموضوع

القسم : الاسره والصحة

المصدر : بنات حواء

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا