المحتوى الرئيسى

10 وصفات حلويات سهلة وسريعة ولذيذة جدا

اكيد مافيش حد فينا مش بيعشق الحلويات بس مشكلتنا مع الحلويات ان كتير من الوصفات ممكن تكون صعبة او بتاخد وقت عشان نعملها لكن احنا النهاردة جايبين لكل من عشاق الحلويات 10 وصفات حلويات سهلة ولذيذة جدا والميزة فيها انها مش هتاخد منك وقت وكمان مكوناتها بسيطة ومش مكلفة.

10 وصفات حلويات سهلة وسريعة:

1- تشيز كيك:

المكونات:

  • – 10 وحدات بسكويت اوريو.

– 2 معلقة كبيرة زبدة سايحة.

  • – 500 جرام جبنة كريمي مخفوقة “ممكن نستخدم فيلادلفيا”.

– 1 معلقة صغيرة فانيليا.

  • – كوباية خليط كيك بيضا جاهزة “هنلاقيها في السوبر ماركت خلطة كيكة جاهزة”.

– ½ كوباية سكر بودرة.

  • – كريم شانتيه.

الطريقة:

  • 1- هنحط البسكويت في البلندر ونفرمه وبعدين ننقله في طبق ونضيف له الزبدة السايحة ونقلبهم كويس مع بعض, هنجيب كوباية وناخد معلقتين من خليط البسكويت ونحطه في الكوباية من تحت.

2- في الخلاط هنحط الجبنة والفانيليا وبالتدريج هنضيف لهم خليط الكيك والسكر البودرة ونخلطهم كويس مع بعض, بعدين نقلل سرع الخلاط ونضيف الكريم شانتيه ونضربهم مع بعض لحد ما يمتزجوا كويس.

3- هنحط الخليط ده في كيس حلويات او لو مش متوفر حطيه في كيس بلاستيك وقصي منه جزء صغير, حطي من الخليط على البسكويت في الكوباية, وزينيه من فوق بالكريز او بالشوكولاتة المبشورة اللي انتي تفضليه اكتر.

وصفات حلويات سهلة وسريعةوصفات حلويات سهلة وسريعة

2- بودنج التيرماسو:

المكونات:

  • – بودنج الشوكولاتة الغامقة:

– علبة صغيرة بودنج شوكولاتة جاهز.

  • – كوباية لبن.

– كوباية كريم شانتيه.

  • – بودنج الشوكولاتة البيضا:

– علبة صغيرة بودنج شوكولاتة بيضا جاهزة.

  • – كوباية لبن.

– كوباية كريم شانتيه.

الطريقة:

1- هنخلط مكونات بودنج الشوكولاتة الغامقة في الخلاط وننقلها في طبق.

2- هنخلط مكونات بودنج الشوكولاتة البيضا لحد ما كل المكونات تمتزج كويس.

3- هنحط كل واحد فيهم في كيس حلويات, وبعدين نجيب كوباية نحط بودنج الشوكولاتة الغامقة الاول, وبعدين نحط فوقيه بودنج الشوكولاتة البيضا.

4- ممكن نزينها من فوق بشوكولاتة مبشورة وبسكويت رولز.

وصفات حلويات سهلة وسريعةوصفات حلويات سهلة وسريعة

3- زبادي مع صوص التوت:

المكونات:

  • – ¾ كوباية لبن.

– ½ كوباية كريمة خفق.

  • – كيس جيلاتين صغير او معلقة كبيرة.

– 1 معلقة صغيرة فانيليا.

  • – من ¼ – 1/3 كوباية عسل او سكر.

– 2 كوباية زبادي.

الطريقة:

1- هنحط ¼ كوباية لبن في طبق ونضيف لها معلقة الجيلاتين.

2- في طاسة هنحط باقي كمية اللبن وكريمة الخفق على النار ونسيبهم لحد ما يغلوا.

3- هنضيف الفانيليا والعسل او السكر حسب اللي هنستخدمه, وبعدين نضيف اللبن المضاف له الجيلاتين ونقلب الخليط كويس لحد ما المكونات كلها تمتزج كويس مع بعض.

4- هنرفع الخليط من على النار ونضيف له الزبادي ونمزجهم كويس مع بعض.

5- هنصب الخليط في كوبايات صغيرة ونحطه في التلاجة من 3 – 4 ساعات لحد ما يتماسك.

6- بعد ما نطلعه من التلاجة ممكن نحط عليه من فوق صوص التوت او اي نوع صوص نختاره, وطريقته بسيطة هنجيب مربى توت ونحط منها الكمية اللي احنا عايزين نعملها صوص في طاسه ونسيحها على النار شوية مع التقليب لما يبقى قوامها سايل هنرفعها من على النار ونسيبها تبرد شوية وبعدين نحطها فوق الخليط بتاعنا, اعملوا اي نوع صوص بنفس الطريقة باي نكهة مربى تفضلوه.

وصفات حلويات سهلة وسريعةوصفات حلويات سهلة وسريعة

4- تشيز كيك بودنج الفراولة:

المكونات:

  • – علبة تشيز كيك بودنج بنكهة الفراولة “هنلاقيها في السوبر ماركت”.

– كوباية كريم شانتيه.

  • – كوباية لبن.

– 1/3 كوباية شراب الفراولة “عبارة عن كوبايتين فراولة متقطعة و1/2 كوباية سكر وكوباية مية هنحطهم نار هادية يغلوا لمدة 10 دقايق وبعدين نرفعه من على النار ونسيبه يبرد شوية ونضربه في الخلاط لحد ما يبقى ناعم وبعدين نحطه في التلاجة ونسيبه لحد ما يبرد خالص وبعدين نستخدمه”.

  • – اي نوع بسكويت تفضلوه.

– فراولة طازة.

الطريقة:

1- هنحط البودنج في طاسة على النار ونضيف له اللبن وشراب الفراولة ونقلبهم مع بعض كويس ونسيبهم على النار 5 دقايق لحد ما يبقى سمكه معقول, هنرفعه من على النار ونضيف له الكريم شانتيه ونقلبهم مع بعض, وبعدين نحط الخليط في التلاجة لمدة 30 دقيقة.

2- خلال الوقت ده هنفرم البسكويت, وهنجيب كوباية نرش فيها من تحت معلقة من البسكويت وبعدين نحط عليها الخليط بتاعنا بعد ما ياخد الوقت بتاعه في التلاجة ونرش عليه من فوق من البسكويت ونزينه بقطع الفراولة.

وصفات حلويات سهلة وسريعةوصفات حلويات سهلة وسريعة

5- شوكولاتة بيضا مع جيلي المانجا:

المكونات:

  • – مكونات جيلي المانجا:

– 2 شريحة مانجا كبيرة متقطعة قطع صغيرة.

  • – كوباية مية.

– ½ كوباية سكر.

  • – معلقة كبيرة جيلاتين.

– مكونات الشوكولاتة البيضا:

  • – 250 جرام شوكولاتة بيضا.

– كوباية كريمة خفق.

  • – مكونات الكريم شانتيه:

– كوباية كريم شانتيه.

  • – 5 معالق كبيرة سكر.

الطريقة:

1- ضيفي معلقة الجيلاتين ل ½ كوباية مية في طبق وخليهم على جنب.

2- اخلطي قطع المانجا مع ½ كوباية مية و1/2 كوباية سكر واضربيهم كويس في الخلاط لحد ما يبقى ناعم, حطيه في طاسة وخليه يغلي وبعدين ضيفي عليه خليط المية والجيلاتين واخلطيهم كويس لحد ما الجيلاتين يدوب.

3- صبي خليط المانجا في كوبايات وخليه يملى تقريبا ½ بوصة من الكوباية وحطيه في الفريز لحد ما يتماسك حوالي 30 دقيقة.

4- خلال الوقت ده هنجهز الشوكولاتة البيضا هنفرمها ونحطها في الميكروويف او في حمام مية سخنة لحد ما تسيح.

5- هنحط كريمة الخفق على نار متوسطة ونصب عليها الشوكولاتة السايحة ونخليهم يمتزجوا ويدوبوا كويس مع بعض, وبعدين نرفعها من على النار ونسيبها لحد ما تبرد خالص.

6- هنطلع المانجا من الفريزر ونصب عليها خليط الشوكولاتة البيضا ونحطها في الفريزر مرة تانية لمدة 30 دقيقة كمان, وبعدين نحط طبقة مانجا تاني ونخليها تتجمد في التلاجة.

7- هنخلط الكريم شاتيه مع السكر ونزين بيها الكوبايات من فوقو نحط عليها قطع فراولة او مانجا او اي فاكهة تفضلوها.

وصفات حلويات سهلة وسريعةوصفات حلويات سهلة وسريعة

6- موس الشوكولاتة وجوز الهند:

المكونات:

  • – كوباية حليب جوز الهند.

– 5 معالق كبيرة كاكاو.

  • – 2 معلقة كبيرة سكر بودرة.

الطريقة:

1- حطي حليب جوز الهند في التلاجة ليلة كاملة قبل الاستخدام, بعد كده ضيفي له الكاكاو والسكر واضربيهم مع بعض في الميكسر لحد ما يبقى عندك الخليط سميك وخفيف في نفس الوقت.

2- حطي الخليط في كيس الحلويات ووزعيه على الكوبايات.

وصفات حلويات سهلة وسريعةوصفات حلويات سهلة وسريعة

7- سمورز:

المكونات:

  • – كوباية كريم شانتيه.

– بسكويت مفروم “اي نوع بسكويت تفضلوه”.

  • – 24 واحدة ميني مارشميلو.

– ¾ كوباية صوص الشوكولاتة.

الطريقة:

هنجيب كوبايات طويلة ونحط من تحت البسكويت المفروم, وبعدين نحط فوقيها المارشميلو, ونصب عليهم شوية من صوص الشوكولاتة, ومن فوق نحط الكريم شانتيه, ونرش عليها من البسكويت المفروم وممكن لو حابه تحطي مارشميلو تاني على الوش.

وصفات حلويات سهلة وسريعةوصفات حلويات سهلة وسريعة

8- تشيز كيك الليمون:

المكونات:

  • – 2 كوب كورن فليكس.

– كوباية جبنة كريمي “فيلادلفيا”.

  • – ½ كوباية زبادي.

– ½ كوباية حليب مكثف.

  • – ¼ كوباية عصير ليمون.

الطريقة:

1- حطي الكورن فليكس في كيس واطحنيه بس خشن مش ناعم اوي, هاتي الكوبايات وحطي في كل كوباية معلقة من الكورن فيلكس.

2- اخلطي الجبنة والزبادي مع بعض في طبق واضربيهم بالمضرب الكهربائي لحد ما يبقى الخليط ناعم.

3- في طبق تاني اخلطي اللبن المكثف وعصير الليمون, وبعدين ضيفي الخليط ده لخليط الجبنة اللي جهزتيه وقلبيهم مع بعض وامزجيهم كويس, قسمي الخليط على الكوبايات فوق الكورن فليكس, وممكن تزيني الوش بالكورن فليكس المفروم.

وصفات حلويات سهلة وسريعةوصفات حلويات سهلة وسريعة

9- كيكة اسفنجية بالكريم شانتيه:

المكونات:

  • – مكونات الكيك:

– 1 ½ كوباية سكر.

  • – معلقة كبيرة بيكنج بودر.

– ذرة ملح.

  • – ½ كوباية كريمة خفق.

– كوباية لبن.

  • – معلقة صغيرة فانيليا.

– 2 بيضة.

  • – مكونات الكريمة:

– 3 كوب لبن.

  • – 1 ¾ كوب حليب مكثف.

– للتزيين:

كريم شانتيه.

الطريقة:

1- اول حاجة سخني الفرن على درجة حرارة عالية.

2- اخلطي الدقيق والسكر والبيكنج بودر والملح في الميكسر وبعدين ضيفي عليهم بالتدريج وانتي بتخلطي كريمة الخفق واخلطيهم مع بعض بسرعة خفيفة من 2 – 3 دقايق, وبعدين اخلطي اللبن والفانيليا والبيض مع بعض وضيفي نص الخليط بالتدريج ببطء على سرعة متوسطة واخلطيهم كويس وبعدين ضيفي النص التاني واخلطيهم لحد ما الخليط يتماسك على السرعة العالية لمدة 30 ثانية او لحد ما تلاقي العجين اتماسك وبقى قوامه كويس معاكي, وحطيها في صينية في الفرن لمدة ساعة.

3- بعد ما تطلعيها سيبيها تبرد لمدة 30 دقيقة, وفي خلال الوقت ده حطي مكونات الكريمة مع بعض في الخلاط واضربيهم كويس لمدة 20 ثانية, بالشوكة خرمي وش الكيكة كله وبعدين صبي عليها خليط الكريمة وغطيها وحطيها في التلاجة لمدة 6 ساعات على الاقل او طول الليل, بعد ما تطلعيها ممكن تحطي منها في كوبايات وتحطي عليها من فوق كريم شانتيه وفاكهة للتزيين.

وصفات حلويات سهلة وسريعةوصفات حلويات سهلة وسريعة

10- بودنج بالزبدة:

المكونات:

  • – ½ كوباية سكر بني.

– 2 معلقة كبيرة + 2 معلقة صغيرة نشا ذرة.

  • – ¼ معلقة صغيرة ملح ناعم.

– 1 ½ كوب لبن.

  • – ½ كوباية كريمة خفق.

– 1 صفار بيضة.

  • – 2 معلقة كبيرة زبدة متقطعة قطع صغيرة.

– 1 ½ معلقة صغيرة فانيليا.

الطريقة:

1- اخلطي السكر البني ونشا الذرة والملح وصفار البيضة وقلبيهم مع بعض كويس لحد ما يمتزجوا ضيفي للخليط ¼ كوباية لبن وقلبيهم.

2- وبعدين اخلطي باقي كمية اللبن مع كريمة الخفق وحطيهم على النار وسيبيهم لحد ما يغلوا.

3- خدي مغرفة كبيرة من خليط اللبن السخن وحطيه على خليط السكر والنشا وقلبيهم مع بعض لحد ما يمتزجوا كويس وبعدين ضيفي باقي خليط اللبن وقلبيهم لحد ما يبقى المزيج ناعم خالص.

4- بعد كده حطي الخليط كله على نار متوسطة وقلبيهم لحد ما يبقى الخليط كثيف تقريبا من 3 – 4 دقايق.

5- ارفعي الخليط من على النار وصفيه بالمصفى عشان ينزل اي كتل موجودة فيه وبعدين ضيفي له الزبدة وقلبيها لحد ما تسيح خالص, وبعدين ضيفي الفانيليا وقلبيهم.

6- ممكن تصبي البودنج في الكوبايات وتقدميه دافي, او ممكن تحطيه في طبق وتغطيه وتحطيه في التلاجة لمدة ساعة وتقدميه بارد, وتزيني الوش ببسكويت رولز او ممكن تحطي ايس كريم يعني حطي اي اضافات انتي عايزاها.

7- وممكن تعملي اضافة لو حابة تعملي طبقات للوصفة اخلطي كوباية كريمة خفق,  2 معلقة كبيرة سكر بودرة, ومعلقة صغيرة فانيليا, ½ معلقة صغيرة قرفة, 1/8 معلقة صغيرة جوزة الطيب مطحونة, وبعدين في الخلاط اضربي كريمة الخفق وبعدين ضيفي لها باقي المكونات واضربيهم كلهم مع بعض كويس وحطي من الخليط ده طبقة بين طبقات البودنج.

وصفات حلويات سهلة وسريعةوصفات حلويات سهلة وسريعة

10 وصفات اصناف حلو بالشوكولاتة تحضريهم في 10 دقايق بس

10 وصفات اصناف حلو بالشيكولاته تحضريهم فى 10 دقايق بس10 وصفات اصناف حلو بالشيكولاته تحضريهم فى 10 دقايق بس


لا تنسى تقييم الموضوع

القسم : طبخ

المصدر : ÈäÇÊ ÍæÇÁ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا