المحتوى الرئيسى

افضل 6 وجبات فطار هتساعدك على زيادة الوزن

عشان نزود وزننا محتاجين اننا مش بس ناكل كتير وخلاص لكن لازم كمان ناكل الاكلات اللي فيها سعرات حرارية عالية, والمفروض عشان نوصل لنتيجة فعالة ونزود وزننا اننا ناخد في اليوم الواحد على الاقل 5000 سعر حراري توزعيهم على وجباتك خلال اليوم, ومن الحاجات المؤثرة جدا وبتساعد على زيادة الوزن هي الاهتمام بوجبة الفطار, عشان كده احنا النهاردة جايبين لكل بنات حوا اللي عايزين يزودوا وزنهم افضل 6 وجبات فطار هتساعدك على زيادة الوزن.

افضل 6 وجبات فطار هتساعدك على زيادة الوزن:

1- الشوفان:

الشوفان من الحاجات اللي بتساعد على زيادة الوزن, كل 100 جرام شوفان فيه 400 سعرة حرارية, عشان كده يعتبر من افضل الاكلات اللي ممكن ندخلها في وجبة الفطار بتاعنا, وعشان نزود قيمته الغذائية وفعاليتة في زيادة الوزن ممكن نضيف عليه زبدة فول سوداني, او لبن كامل الدسم, المكسرات بانواعها “اللوز والكاجو وعين الجمل”, الفاكهة “موز او تفاح او كمثرى او اناناس او افوكادو”, فواكة مجففة “زبيب او تمر او خوخ او مشمش”, جبنة, زبادي, تونة, وممكن نضيف حاجة واحدة من الحاجات دي او نحط اكتر من حاجة حسب اختيارنا.

الشوفانالشوفان

2- الجرانولا:

الجرانولا او بار البروتين دي تعتبر بديل للشوفان لان فيها تقريبا نفس كمية السعرات الحرارية, عشان نعمل الجرانولا محتاجين.

 – 2 كوب شوفان.

 – 1/2 كوباية جوز هند مبشور.

 – 1/2 كوباية عسل ابيض.

 – 2 معلقة صغيرة زبدة فول السوداني.

 – معلقة صغيرة فانيليا.

 – 1/8 معلقة صغيرة ملح.

الطريقة:

 هنسخن الفرن على 165 درجة مئوية وهنحط الشوفان وجوز الهند على ورق زبدة على صينية ونحطهم في الفرن تقريبا 10 دقايق لحد ما يتحمصوا, وخلال الوقت ده هنخلط باقي المكونات اللي هي العسل وزبدة الفول السوداني والفانيليا والملح على نار متوسطة ونقلبهم كويس مع بعض لحد ما يبقى عندنا خليط ناعم, هنصب الخليط ده على الشوفان وجوز الهند في الصينية ونغطيهم كويس بالخليط ونحطه في الفرن تاني حوالي ربع ساعة كمان لحد ما كل المكونات دي تنشف وتمسك في بعضها وهنطلعه من الفرن ونسيبه يبرد خالص وبعدين نقطعه, ممكن كمان نزود على المكونات مكسرات او فواكة مجففة او شيكولاتة تشيبس عشان نزود السعرات الحرارية فيها يعني حسب اختيارنا.

بار الجرانولابار الجرانولا

3- البيض الاومليت:

البروتين من الحاجات المهمة جدا لزيادة الوزن عشان كده البيض يعتبر من الحاجات الفعالة اللي هتساعدك انك تزودي وزنك, وعشان نزود قيمتة الغذائية ممكن نضيف له قطع لحمة, او لحمة مفرومة, او قطع فراخ, او تونة, او جبنة فيتا او بارميجان مبشورة, او خضروات نشوية زي البطاطا, والبطاطس, والعدس, والفاصوليا, وطبعا نحط التوابل الملح والفلفل الاسود والكمون.

البيض الاومليتالبيض الاومليت

4- اللبن كامل الدسم:

لتر اللبن كامل الدسم بيحتوي على 600 سعرة حرارية, والحاجات السايلة بيكون هضمها اسرع واسهل من الحاجات الصلبة يعني فايددتها هتوصل اسرع ليكي, اشربي كل يوم لتر لبن كامل الدسم بعد وجبة الفطار هتساعد جدا في زيادة وزنك.

اللبن كامل الدسماللبن كامل الدسم

5- مشروبات زيادة الوزن:

زي ما قولنا ان الحاجات السايلة اسهل في الهضم ومفعولها اسرع لزيادة الوزن, عشان كده ممكن نعتمد المشروبات في وجبة الفطار زي عصير الموز والتفاح, اللبن كامل الدسم وممكن نضيف عليه زبدة فول سوداني وشيكولاتة, عصير الفواكة اي نوع تفضليه, عصير الموز باللبن كامل الدسم, بروتين بودر وبيضة نضيفهم على كوباية لبن كامل الدسم.

مشروبات زيادة الوزنمشروبات زيادة الوزن

6- الخبز:

الخبز الكامل والحبوب الكاملة من الحاجات الغنية بالكربوهيدرات اللي بتساعد على زيادة الوزن, عشان كده كتري منه اكل الخبز في وجبة الفطار ممكن تعملي ساندوتشات بيض, او زبدة فول سوداني ونحط معاها معاها فاكهة او مربى, او تفردي عليه عسل او شيكولاتة, او جبنة وتونة وتضيفي معاهم طماطم وخس, وممكن تاكلي مع السندوتشات موز او تفاح واشربي معاه لبن كامل الدسم.

وفي طريقة حلوة ممكن نعمل بيها التوست بتبقى لذيذة جدا, هنجيب لبن كامل الدسم ونضيف عليه بيضة, ومعلقة كبيرة سكر, ومعلقة صغيرة قرفة, وشوية فانيليا صغيرين, ونقلبهم كويس مع بعض وبعدين نجيب قطعتين توست نفرد بينهم مربى وممكن نضيف لها زبدة فول سوداني يعني حسب اختياركم ونحط التوست في خليط اللبن اللي احنا عملناه من الناحيتين وبعدين نحمره في الزبدة لحد ما يبقى لونه دهبي, الطريقة دي بتزود الوزن جدا وطعمها لذيذ اوي.

الخبزالخبز

ياللا كل بنات حوا يجربوا النصايح والوصفات دي ويشاركونا  النتايج.

10 وصفات فعالة لزيادة الوزن

 وصفات فعالة لزيادة الوزنوصفات فعالة لزيادة الوزن


لا تنسى تقييم الموضوع

القسم : الاسره والصحة

المصدر : ÈäÇÊ ÍæÇÁ

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا