تعليم قيادة السيارات في مصر. 7 مهارات أساسية محدش هيقولهالك
بنصح أي شخص بدأ في دروس تعليم قيادة السيارات في مصر أو لسّه ناوي؛ بقراءة هذا المقال أولاً، لأن السواقة في مصر تختلف عن السواقة في أي حتة تانية في الكوكب.عزيزي المُقبل على هذه الخطوة إليك 5 مهارات أساسية محدش هيقولهالك في أي مدارس تعليم قيادة السيارات:
1- متهزرش مع التكاتك والميكروباصات
Facebook / TOK TOKالقاعدة الأساسية لأغلب سواقين التكاتك والميكروباصات هي إن مفيش قواعد.فالعقل بيقول إنك لما تلمحهم قدامك خلّي بينك وبينهم مسافة كافية؛ لأنهم هيقفوا في أي وقت ولأي سبب منطقي أو غير منطقي، ولو لمحتهم وراك خليك لطيف وعدّيهم لأنهم بيحبوا الكلاكسات وبيفضلوا النور العالي زي عينيهم، فحافظ على حاسة السمع والنظر اللي حيلتك.2- خلّي عندك سرعة بديهة
Pixabayفي مصر مش كفاية أبداً إنك تكون بتسوق كويس عشان تتفادي الحوادث، أنت لازم تعمل حساب أخواتك المواطنين اللي مبيعرفوش يسوقوا، وتعمل حساب إن الإشارات يمين وشمال وإشارة الانتظار كلها حاجات هامشية بالنسبة لناس كتير فمش بيستخدموها.فلو لقيت حد بيدخل يمين فجأة أو قرر يقف على مطلع الكوبري بدون سابق إنذار! هنا مفيش حاجة هتنقذك غير سرعة البديهة والثبات الانفعالي.3- هات حاجات تسلّيك في الزحمة
YouTube / e3lamakTVمزيكتك، ساندوتشاتك، كتبك، وجرايدك وكل الحاجات اللي مش لاقي وقت تعملها، ملكش حجة إنك متعملهاش، الزحمة بتوفّر وقت فراغ كبير جداً تقدر تستغله.4- الشتايم مبتلزقش، هدّي أعصابك
Pixabayأي شتايم ممكن تسمعها من أي حد جنبك بسبب أو بدون سبب، خلي في بالك إن الشتايم مبتلزقش، أو قول لنفسك إن في حاجة مضايقاه وأنت الكبير فاستحمل، "مصارين البطن بتتخانق" يا أخي متحبّكهاش.5- متاخدش قصة إن حد يكسر عليك كموضوع شخصي أبداً
Pexelsاللي يقولك جملة: ؛اللي يكسر عليك اكسر عليه"، ده شخص مش عايز مصلحتك، لأن اللي بيكسر عليك ميعرفكش فمفيش أي حاجة شخصية في الموضوع، هو بس واخد الموضوع كأسلوب حياة.6- اللزقة في عربية الإسعاف مش هتفيدك صدقني
Facebook / Mobtada مبتدالو فاكر إنك لما تلزق في عربية الإسعاف هتوصل أسرع! أحب أقولك إنك غلطان. لأن ناس قليلة اللي بتدي الفرصة لعربية الإسعاف إنها تعدّي أصلاً.7- استخدم كوبري 6 أكتوبر لما تحس بالوحدة
YouTube / Lido Lovinkلو مش حاسس بالوحدة ومحتاج شوية ونس؛ فمفيش أي داعي إنك تاخد كوبري أكتوبر قبل الساعة 2 الصبح.
لا تنسى تقييم الموضوع
القسم : منوعات
اضف تعليق