المحتوى الرئيسى

شاهد طريقة تمنع بها اللصوص من فتح باب شقتك خد احتياطاتك


كثيرون تعرضت شققهم للسرقة دون وجود علامات في الباب ودون الشعور بدخول أحد إلى شقتهم، لا خبط على الباب ولا سمع شخص صوت، إنها احترافية اللص الذي يعرف كيف يفتح باب شقتك دون ضوضاء وبكل سهولة ويسر، تلك الاحترافية التي ربما عليك أن تعرف سرها وكيف تأخذ احتياطك منها، وهو ما يكشفه نجار يحمل اسم محمود خليل على صفحته على «فيس بوك».
ويشرح خليل: «النهاردة هنتكلم على مشكلة بتحصل في معظم البيوت، هي أن أنت تخرج وتقفل باب الشقة وراك وتفتكر إن المفاتيح جوة، دي حاجة بتبقى سهلة شوية، أنا دلوقتي هعلمكم حاجة تفتح بيها باب الشقة بكل سهولة، بس قبل ما أقول على الحاجة دي المفروض إن أنت لو نازل تعمل أي حاجة، تجيب أي حاجة حتى من البقال من تحت، تقفل باب الشقة بالمفتاح، لأن من غير المفتاح سهل قوي إن هو يتفتح».
ويبدأ النجار في شرح كيفية فتح الباب بدون مفتاح قائلًا: «كل الحكاية عبارة عن حتة شامبر صغيرة كدة صلب عشان تبقى جامدة وتفتح، ونجيب البنسة وبنلفها من قدام كدة على هيئة قوس، هي دي اللي بتفتح الباب بدون تخبيط وبدون أي حاجة».
ويضيف: «معلومة صغيرة، ما بين المفتاح اللي بتحط فيه المفتاح والمكان اللي بتحط فيه دي 10 سم بالضبط، 10 سم وتدخل دي كدة تلاقي الباب اتفتح من غير ما تخبط ولا جارك اللي قدامك يسمع أي حاجة».
وقام «خليل» بتجربة عملية لبيان صحة كلامه، فخرج من المنزل وأغلق بابه، قبل أن يوضح المكان الذي عليك أن تستخدم فيه «الشامبر» أعلى محل المفتاح بـ10 سم، قبل أن يدخل أداته ويفتح الباب بالفعل بدون مفتاح.
واختتم الفيديو قائلًا: «النصيحة اللي بقدمهالكم وبعيد عليها تاني إن لو أنت خارج اقفل بابك بالمفتاح عشان زي ما شفتوا كدة سهل أوي إنه يتفتح من غير ما جارك يحس بأي حاجة».


لا تنسى تقييم الموضوع

القسم : اصنعها بنفسك

المصدر : المصري اليوم

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا