المحتوى الرئيسى

متغيرش في حد ولا تسيب حد يغيرك

الأصل في الارتباط إن الواحد بيدوّر على حد يرتاح معاه ويشاركه حياته، أحلامه، لحظاته الحلوة، لحظاته الهباب وغيره. لأسباب غير مفهومة ناس كتير بتتجاهل جزء الراحة وبتحاول تعقد الدنيا في أكتر من صورة. صورة منها التوقعات السيريالية من بعض، وصورة تانية في التعسيف وغيرها في الدراما، والصورة الأشهر هي المحاولات المستميتة لتغيير الآخر. 

شريك حياتك ليس نسخة منكVenusBuzzفي البداية بينجذب كل طرف للاختلافات في التاني، وبعد الارتباط يبتدي هلع مواجهة الاختلاف ثم الشجب والمعارضة، وأخيراً الاقتحام ومحاولة تغيير شريك حياتك اللي بتنتهي بدراما تصلح لتعبئة مواسم من مسلسلات تركي. إما الطرف اللي بيتم محاولة تغييره بيتغير وبيتحول لحاجة مشوهة مش مفهومة، لا عاجبة نفسه ولا حتى عاجبه شريك حياته اللي أصلاً انجذب في البداية لمواطن الاختلاف اللي هو بذات نفسه غيرها! السيناريو التاني إن محاولات التغيير بتفشل وبتنتهي بناس بائسة، واحد محبط من عدم قدرته على التعامل مع الاختلاف والتاني محبط من إحساسه الدائم إن شريكه مش طايق بعض مواطن الاختلاف فيه.

الاختلاف بينك وبين شريك حياتكVenusBuzz

5 حاجات تحاول تعملهم لما تحس إنك ابتديت تحاول تغيّر شريك حياتك

1- تفكّر نفسك بالأسباب اللي خلتك تنجذب ليه وتقول بصوت عالي إنك لو غيرت أي حاجة فيه غالباً الحاجات اللي أنت بتحبها فيه هتتغير بدورها، واحتمال النتيجة تبقى حاجة مش هتعجبك.2- حاول تستوعب حقيقة إن لو حد ابتدى يجرب يغير فيك الحاجات اللي أنت اخترتها لنفسك هتبقى قد إيه مضايق، وخاصة لو الحد ده اللي أنت محتاجه يقبلك ويحبك زي ما أنت.3- تفهم الاختلاف واللي وراه وأنه السبب في تكوين الشخص اللي أنت حبيته ده. 4- لو الاختلافات صعبة عليك متكملش، مش لازم تضايق نفسك ولا تعسف غيرك معاك، الحياة مليانة، دوّر فيها على اللي ترتاح معاه، محبكش ده.5- قبل ما تنام كل يوم؛ فكّر إننا بنشارك الناس حياتنا وبيشاركونا حياتهم، لا بنملكهم ولا بيملكونا. محدش له حق يغير غيره، أنت لا خلقتهم ولا شاري فيهم أسهم.أما بقى لو أنت اللي بيتم معاه محاولات للتغيير فهي نصيحة واحدة بس: اخلع!


لا تنسى تقييم الموضوع

القسم : منوعات

المصدر : كسرة

قد يعجبك أيضاً

اضف تعليق

فكرة الموقع : "كله لك" هو شراكة بيننا و بينكم ..دورنا : انتقاء أفضل الموضوعات المنشورة و المتداولة علي المواقع ... دوركم : تقييم المحتوي للتأكيد علي أهميته أو إرشادنا لحذفه

لمعرفة المزيد عن الموقع اضغط هنا